Tramp haqqında yazılan seksual xarakterli xəbərlərdən DANIŞDI — FOTO

Tramp haqqında yazılan seksual xarakterli xəbərlərdən DANIŞDI
01:33
17.10.2017
414
Dünya
A
ABŞ prezidenti Donald Tramp barəsində irəli sürülən cinsi təcavüz iddialarını yalanlayıb.

“Ölkə.Az” xəbər verir ki, Tramp Ağ Evdə jurnalistlərin suallarını cavablandırarkən bunun cəfəngiyyat olduğunu deyib. Onun sözlərinə görə, haqqında səsləndirilən seksual xarakterli xəbərlərin hamısı yalandır.

“Bütün bu xəbərlər yalandır. Kimlərsə uydurma xəbərlər yaymaqla, öz məğlubiyyətinin intiqamını almaq istəyir”, - deyə Tramp bildirib.

Qeyd edək ki, ötən ildən bəri Trampın qadınlara qarşı cinsi təcavüz etməyi barədə xəbərlər yayılır. Seçkilər ərəfəsində 11 il əvvəl çəkilən bir video görüntü yayılıb. Orada Tramp qadınlar barədə danışır. O, qadınların onu arzuladığını və hər dəfə hansısa xanıma təcavüz edəndə xoşlandığını deyib. Tramp varlı və tanınmış biri olduğu üçün qadınları zorlaya biləcəyini vurğulayıb.

Bundan başqa, “New York Times” qəzeti yazmışdı ki, 45 yaşlı Lids adlı xanım 38 yaşında olarkən Tramp tərəfindən təyyarədə təcavüzə məruz qaldığını söyləyib: “O, səkkizayaqlı ilbiz kimi idi. Əllərini bədənimin hər yerinə toxundururdu. Bu, mənə qarşı hücum idi”.

Lidsin sözlərinə görə, təyyarə havaya qalxdıqdan 45 dəqiqə sonda Tramp onun sinə nahiyəsinə toxunub və əlini onun ətəyinin altına keçirməyə çalışıb.

Əmlak şirkəyində çalışan 22 yaşlı Reycel Kroks da Trampın təcavüzünə məruz qaldığını iddia edib. Onun sözlərinə görə, Tramp liftdə gözlənilmədən onun dodağından öpüb.

“Washington Post” isə yazmışdı ki, Tramp inauqurasiyaya üç gün qalmış məhkəməyə verilib. Trampı seksual  təcavüzdə ittiham edən amerikalı qadın Sammer Zervos ona böhtan atdığı iddiası ilə məhkəməyə müraciət edib. Qadın iddiasında bildirir ki, Tramp ona qarşı seksual təcavüzdə olmasını inkar edir, onu və eyni ittihamla çıxış edən qadınları yalançı adlandırır. İddiaçı tələb edir ki, onun haqqında  dediyi sözdən imtina etməsi üçün məhkəmə qarşısında Tramp öhdəlik götürsün.

“Cənab Tramp mənim istədiyim kimi təkziblə çıxış etmədiyindən, şərəfimi bərpa etmək üçün, o məhkəməyə müraciət etməkdən başqa mənə ayrı seçim qoymadı”- deyə bildirib.

Ziya Səccad
Ölkə.Az

ŞƏRH YAZ
0

Amerikalı milyarder Corc Sorosa sui-qəsd

Amerikalı milyarder Corc Sorosa sui-qəsd
10:55
Bu gün
227
Dünya
A
Amerikalı milyarder Corc Sorosun Nyu-Yorkdakı evinin poçt qutusunda partlayıcı maddə tapılıb.

"Ölkə.Az” xəbər verir ki, Sorosun evdə olmadığı vaxt göndərilən partlayıcı maddə dolu paket mütəxəssislər tərəfindən zərərsizləşdirilib. Corc Soros Demokratlar partiyasını dəstəklədiyi üçün ifrat sağ görüşlü qrupların hədəflərindən birinə çevrilib.

Nyu-York polisi və FBİ xəfiyyələrinin axın etdiyi evdən verilən məlumata görə, Sorosun işçilərindən biri poçt qutusuna qoyulan paketi yoxlayıb. Paketin içində partlayıcı maddə olduğunu başa düşən şəxs onu meşə ərazisinə aparıb və polisə xəbər verib. Hazırda istintaqla FBİ məşğul olur.

Hikmət Həsənov
Ölkə.Az

 

ŞƏRH YAZ
0

Ərəb jurnalistin ölüm əmrini şahzadənin müşaviri verib: “O itin başını mənə gətirin”

Ərəb jurnalistin ölüm əmrini şahzadənin müşaviri verib: “O itin başını mənə gətirin”
10:14
Bu gün
939
Dünya
A
Ərəb jurnalist Camal Kaşıkçının ölüm əmrini Səudiyyə Ərəbistanı şahzadəsi Salmanın müşaviri Kahtani verib.

“Ölkə.Az” xəbər verir ki, “Reuters”in xəbərinə əsasən, “Skype”la baş konsulluğa zəng edən Kahtani əvvəlcə Kaşıkçını təhqir edib, sonra isə “Bu itin başını mənə gətirin” əmrini verib. İddiaya görə “Skype” danışıqlarının səsyazısı Türkiyə hökumətindədir.

“Washington Post” qəzetinin müxbiri yazır ki, şahzadənin müşaviri Suud əl Kahtani Kaşıkçının ölüm əmrini vermək üçün 2 oktyabrda konsulluğa “Skype” vasitəsilə zəng edib. “Reuters”in məlumatına əsasən, Kahtani Camalı təhqir edib sonra isə ölüm dəstəsinə “bu itin başını mənə gətirin” əmrini verib.

Vəliəhd şahzadə Salmanın müşaviri Suud əl Kahtani vəliəhdin müxaliflərə təhdid üçün  Tvitterdə qurduğu trol ordusunun rəhbəridir. 3 min dollar maaş alan yüzlərlə trol kimə hücum etmək, hansı mövzuda tvit atmaq üçün gündəlik ondan təlimat alırlar.

Hikmət Həsənov
Ölkə.Az

ŞƏRH YAZ
0
BAĞLA