Tramp: “İran heç bir halda nüvə silahı əldə etməməlidir”

“Ölkə.Az” xəbər verir ki, Tramp hərbi bazaya baxış keçirdikdən sonra orada xidmətdə olan amerikalı hərbçilərlə görüşüb. Görüş zamanı Tramp prezidentliyi dövründə dünyada sülhün bərqərar olması üçün əlindən gələni əsirgəməyəcəyini bildirib.

Trampın sözlərinə görə, prezident kimi ilk dəfə olaraq Səudiyyə Ərəbistanına səfər edib. Orada bir çox müsəlman ölkələrinin liderlərilə görüşüb. 

“Biz görüş zamanı yekdilliklə qəbul etdik ki, İran hökumətini nəzarətdə saxlamaq lazımdır. İran heç bir halda nüvə silahı əldə etməməlidir. Mən burada da həmin fikirləri bir daha səsləndirirəm. İran dünya üçün təhlükə mənbəyidir. Bu təhlükə mütləq zərərsizləşdirilməlidir”, - deyə Tramp bildirib. 

Qeyd edək ki, 2015-ci il iyulun 15-də İranın atom-nüvə probleminin tənzimlənməsinə dair “altılıq” (ABŞ, Almaniya, Böyük Britaniya, Fransa, Rusiya və Çin) dövlətləri ilə İran arasında Əhatəli Razılıq sənədi imzlanıb. Buna baxmayaraq, ABŞ İrana qarşı sanksiyaları saxlayıb. Amerika İranı terrora dəstək verən ölkə kimi qəbul edib.

Ziya Səccad
Ölkə.Az