Tramp Kim Çen İnlə nə söhbət edib?
“Ölkə.Az” xəbər verir ki, Tramp Şimali Koreya lideri ilə şəxsi danışıqları barədə məlumat verib.
ABŞ lideri mətbuat konfransında deyib:
“70 il əvvəl qanlı münaqişə Koreya yarımadasını parçaladı. Münaqişədə çoxlu insan, eyni zamanda on minlərlə amerikalı həlak oldu. Sülh müqaviləsi imzalansa da, savaş başa çatmamışdı. Amma indi biz ümid edirik ki, tezliklə savaş başa çatacaq. Bu baş verəcək”.
Tramp qeyd edib ki, tarixdə də dünənki düşmənlər bu gün dosta çevriliblər.
ABŞ prezidenti söz verib ki, Birləşmiş Ştatlar Cənubi Koreya ilə birlikdə keçirilən hərbi təlimləri başa çatdıracaq. Koreya müharibəsi dövründən Koreyada olan amerikalı əskərlər geri qayıda bilər. Bunun qarışılığında isə Kim Çen İn raket mühərriklərinin sınaqdan keçirildiyi poliqonu ləğv edəcək.
ABŞ prezidenti jurnalistlərə bəyan edib ki, Şimali Koreyaya 300 mövqedə sanksiya tətbiq etməyi dayandırıb.
Hikmət Həsənov
Ölkə.Az