Tramp kürəkəninə vəzifə verir
ABŞ prezidenti Donald Tramp kürəkəni və müşaviri Cared Kaşnerə Ağ Evdə yeni vəzifə verməyə hazırlaşır.
"Ölkə.Az" xəbər verir ki, prezident iş dünyasındakı yeni fikirlərə hökumət dəstəyi üçün Ağ Evdə yeni bir ofis qurmağı və kürəkənini də bu qurumun rəhbəri təyin etməyə hazırlaşır.
İddiaya əsasən, Tramp bir neçə gün ərzində yeni qurumun yaradılması barədə qərarını açıqlayacaq. Tramp administrasiyası yeni qurumun yaradılması barədə uzun müddətdir ki, araşdırmalar aparır və bir çox sektordan önəmli iş adamları ilə işlər aparılır.
Qeyd edək ki, Tramp bir müddət əvvəl qızı İvankaya da Ağ Evdə vəzifə verib. Amma İvanka Tramp rəsmi bir vəzifəsi və maaşı olmayacağını açıqlamışdı.
Hikmət
Ölkə.Az
