Tramp NATO ölkələrindən müdafiə xərclərini artırmağı tələb etdi

Tramp NATO ölkələrindən müdafiə xərclərini artırmağı tələb etdi
22:45
11.07.2018
1428
Dünya
A
Amerika Birləşmiş Ştatlarının prezidenti Donald Tramp NATO-ya üzv ölkələrdən 2025-ci ili gözləmədən müdafiə fondlarını ÜDM-nin 2%-inə qaldırmağı tələb edib.

"Ölkə.Az" xəbər verir ki, ABŞ preizdenti bu barədə şəxsi "Twitter" hesabında yazıb.

"Almaniyanın Rusiyaya qaz və enerji daşıyıcıları üçün miliardlarla dollar ödəməsinin NATO üçün xeyri nədir? Niyə 29 ölkədən yalnız 5-i vəzifəsini icra edir? ABŞ Avropanın müdafiəsi üçün pul xərcləyir və ticarətdə miliardlar itirir", - deyə Tramp qeyd edib.

Qeyd edək ki, bir qədər əvvəl Almaniya kansleri Angela Merkel ölkəsinin müdafiə xərclərini 2025-ci ilə qədər ÜDM-nin 1,5%-nə çatdıracaqlarını demişdi.   Fransanın Xarici İşlər Nazirliyindən də buna bənzər bir açıqlama ilə öhdəlikləri yerinə yetirəcəkləri və 2025-ci ildə müdafiə büdçəsini ÜDM-nin 2% səviyyəsinə qaldıracaqları açqılaması verilib.

Ölkə.Az

ŞƏRH YAZ
0

Putin və Tramp görüşü başa çatdı

Putin və Tramp görüşü başa çatdı
17:42
Bu gün
33
Dünya
A
ABŞ prezidenti Donald Tramp ilə Rusiya lideri Vladimir Putin arasında görüş vaşa çatıb.

“Ölkə.Az” xəbər verir ki, görüş 2 saat 10 dəqiqə davam edib.

Prezidentlər 1.5 saat təkbətək görüş keçiriblər. Sonradan isə görüş geniş tərkibdə davam edib. Bu görüş 1 saat 45 dəqiqə davam edib.

Tramp bəyan edib ki, Putinlə görüş hamı üçün yaxşı startdır.

Hikmət Həsənov
Ölkə.Az

ŞƏRH YAZ
0

Alimlər mumiya “fabrik”i kəşf etdilər

Alimlər mumiya “fabrik”i kəşf etdilər
17:30
Bu gün
140
Dünya
A
Alimlər Qədim Misirin ərazisində, Sakkara vilayətində “mumiya fabriki” aşkar ediblər.

“Ölkə.Az” xəbər verir ki, bu ərazi müstəqil fironlar sülaləsinə məxsusdur və 30 mumiya aşkar edilib. Eyni zamanda bədəni mumiyalamaq üçün istifadə edilən artefaktlar da tapılıb.

Sakkarada qazıntılar bir neçə ildir ki, aparılır. Alimlər üçölçülü lazer skanerlər və radarlardan da istifadə edirlər. İki il əvvəl fironların 26-cı sülaləsinin sərdabələri olan ərazidə qazıntılara start verilib. Alimlər bildirirlər ki, bu sülalənin nümayəndələri Misirin köhnə qüdrətini və şöhrətini geri qaytarmağa cəhd ediblər. Eyni zamanda köhnə mədəniyyət və dini ayinlər bərpa edilib. Fironlar varlılar üçün nəzərdə tutulan sərdabələr inşa etdirirdilər. Bu tədbirlər ölkəni birləşdirə bilərdi və işğalçı assuriyalıları qovmağa kömək edə bilərdi. Amma yüz il sonra Misiri Əhəmənilər imperiyası işğal edir. 

Əvvəlcə komanda XIX əsrin sonlarında kəşf edilmiş firon sərdabələrini tapmağa başlayır. Sərdabənin yaxınlığında imperiyanın məmurlarından biri, II Amasisin qəbri tapılır. Bu qəbir kvadrat formada idi və tipik sərdabəyə bənzəmirdi. 13 metr dərinlikdə olan qəbirin eni və uzunu 5 metrdir.

Alimlər bu məkana daxil olanda unikal mumiya emalatxanası ilə qarşılaşdılar. Burada 35 hazır mumiya, 5 sarkofaq, bir sıra bahalı və adi artefaktlar var idi. Hazırda alimlər yeni kəşf edilən sərdabənin tədqiqi ilə məşğul olurlar.

Hikmət Həsənov
Ölkə.Az

ŞƏRH YAZ
0
BAĞLA