Tramp Nyu-Yorkda baş verən hadisədə radikal islamçıları günahlandırdı

"Ölkə.Az" xəbər verir ki, bu barədə Ağ Evin mətbuat katibi Şon Spayser rasmi “Twitter” səhifəsində yazıb. O, bildirib ki, hadisə ilə bağlı yeni məlumatlar dərhal ölkə başçısı Donald Trampa çatdırılacaq.

Hadisə ilə bağlı ABŞ prezidenti Donald Tramp da “Twitter” səhifəsində şərh verib. O, hadisənin terror aktı olduğuna şübhə etdiyini bildirib.
“Düşünürəm ki, həmin avtomobili idarə edən radikal islamçıdır. Ola bilsin ki, bu belədir”, - deyə Tramp yazıb.

Qeyd edək ki, bu gün ABŞ-ın Nyu-York şəhərindəki "Times meydanı"nda ölümlə nəticələnən hadisə baş verib.
minik avtomobili yüksək sürətlə hərəkət edərək insanların sıx olduğu səkiyə girib. Tayms meydanında baş verən hadisə zamanı bir nəfər ölüb, 20-dən çox insan ağır yaralanıb. Hadisə yerinə polis cəlb olunub. Həyata keçirilənə məliyyat nəticəsində hadisəni törədən sürücü həbs edilib. Onu sərxoş olub-olmadığı üçün müayinə ediblər.

Hələlik müayinənin nəticəsi və saxlanılan şəxsin kimliyi barədə məlumat verilməyib. Hadisə şahidlərinin dediklərinə görə, həmin şəxs bilərəkdən maşını insanların üzərinə sürüb. İnsanlar hadisənin terror aktı olduğunu düşünürlər.

Lakin Nyu-York polisi bildirib ki, hələlik hadisəni terrorla bağlamaq olmaz. Çünki terror aktı ilə əlaqəli heç bir şübhə yoxdur.

Ziya Səccad
Ölkə.Az