AXTAR

Axtarışın nəticələri

Bütün nəticələr
16 Oktyabr 2017

Tramp Obamanın apardığı siyasətə qarşı fərqli addımlar atır — Siyasi şərh

Amerika Birləşmiş Ştatları Türkiyə Respublikasının vətəndaşlarına verilən vizaları müddətsiz olaraq dayandırıb. Türkiyə də buna cavab olaraq eyni addımı atıb.

09.10.2017 23:29 Bölmə: Analitika Oxunma sayı: 568
A- A A+

Bu hadisə dünya siyasətçiləri üçün qaranlıq qalan bir məsələdir. Düzdür, son zamanlar iki dövlət arasında müəyyən anlaşılmazlıqlar yaranmışdı. Lakin Tramp administrasiyasının Türkiyəyə qarşı belə bir sanksiya tətbiq edəcəyi gözlənilməz idi.

Azərbaycanlı siyasətçilər də, bu qərarın müəmmalı olduğunu düşünürlər. Politoloq İlqar Altay “Ölkə.Az”a açıqlamasında bildirib ki, Trampın hakimiyyətə gəlişindən qabaq Amerika siyasətində bir sıra yeniliklər planı vardı. Onun fikrincə, bu planda Türkiyə məsələsi olmayıb.

“O, təzə prezident kimi özünün yeni siyasi istiqamətini götürməyə çalışır. Eyni zamanda, Obamanın apardığı siyasətə qarşı fərqli addımlar atır. Bu addımların içində bir sıra müsəlman ölkələrindən gələn təhlükələrə qarşı müəyyən tədbirlər görmək də var idi. Əslində bu dövlətlərin içərisində Türkiyə yox idi. Heç kim inanmazdı ki, Amerika hökuməti belə bir addım atar. Bu dövrdə belə bir addımın atılması çox təəccüblüdür. Sözün düzü Trampın bu addımı çox anlaşılmaz və qaranlıq qaldı. Belə qərarın NATO üzvü olan dövlətə qarşı tətbiq edilməsi görünməmiş hadisədir. Təbii ki, Ərdoğan hakimiyyətinin də Amerikaya qarşı cavabı eyni addımı atmaq atmaq olmalıdır. Türkiyə də bir dövlətdir. Həm də, balaca bir ölkə deyil. Hər halda xoşa gəlməyən bir hadisədir. Bunun hansı nəticələr verəcəyi isə hələlik qaranlıq qalır”, - deyə İlqar Altay bildirib.

Ziya Səccad
Ölkə.Az

Partner Xəbər