Tramp prezidentliyini itirə bilər? — ŞƏRH

Tramp prezidentliyini itirə bilər?
00:45
26.10.2017
2767
Analitika
A
ABŞ-da ölkə prezidenti ilə bağlı növbəti qalmaqal baş verib.

"Ölkə.Az" xəbər verir ki, prezident seçildiyi gündən bu yana Rusiya qalmaqalı ilə başı dərddə olan Tramp Konqres binasında etiraza hədəf olub. Respublikaçılarla iclasa tələsən Trampın yanında senat lideri Mitç MakKonnell də olub.

Rayan Kleyton adlı aksiya iştirakçı “Tramp xəyanətdir”- deyərək əlindəki rus bayraqlarını prezidentin üstünə atıb. Tramp bu hərəkətə heç bir reaksiya verməyib.

Kleyton isə “Niyə xəyanətdən bəhs etmək lazım olduğu halda vergilərdən danışırsan? Niyə Konqres xəyanət yerinə vergidən danışır? Bu prezident seçkilərin nəticəsini dəyişmək üçün rus agentləri ilə əməkdaşlıq edib”-deyib. Rayan "Amerikalılar hərəkətə keçir" adlı hərəkatın üzvüdür.

Azərbaycanlı siyasətçilər isə düşünürlər ki, əgər bu vəziyyət davam edərsə, Trampın impiçmenti gözlənilir. Politoloq Sülhəddin Əkbər “Ölkə.Az”a açıqlamasında bildirib ki, Amerikada Donald Trampın seçki kampaniyası ərəfəsində Rusiya ilə əlaqələrilə bağlı ciddi faktlar var. Onun sözlərinə görə, bu istiqamətdə ABŞ-da bir neçə səviyyədə araşdırmalar davam edir.

“Araşdırmalar aparıldıqca, dəlil-sübutlar çoxalır. Digər tərəfdən, Donald Trampın öz komandasında fikir ayrılığı mövcuddur. Yəni Respublikaçılar Partiyasının daxilində belə Trampla bağlı vahid bir fikir yoxdur. Üçüncüsü də, Trampın seçkilərdə qələbəsi şübhə altına alındı. Onun sistem xatirinə rəhbərliyə gəlməsi və ABŞ-dakı siyasi proseslərə ziddiyətli baxışı da proseslərə təsirini göstərir. Trampın xarakterindən də irəli gələn müəyyən məsələlər var. Bu məsələlər Trampla bağlı xoşagəlməz vəziyyət yaradıb. Düşünürəm ki, Trampın hakimiyyəti getdikcə zəifləyəcək. Onun köhnə komandası da dağılıb. Tamamilə yeni komanda formalaşıb. Çox zaman bu komandanın formalaşmasında yeni nazirlərin təyinatı Trampın iradəsindən asılı olmayıb. Bu prosesləri nəzərə alaraq, Tramp özü istefa verməlidir.  Yaxud Tramp tutduğu yolu dəyişməli və Amerikanın ənənəvi strateji xətti üzrə işləməlidir, ya da ona qarşı təzyiqlər artacaq. Bu isə Trampın impiçmentinə səbəb olacaq”, - deyə siyasətçi bildirib.

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA