Tramp Putini təbrik etdi
ABŞ prezidenti Donald Tramp Rusiyanın yeni seçilən prezidenti Vladimir Putinə zəng edib.
“Ölkə.Az” xəbər verir ki, administrasiya Trampa zəng etməyi məsləhət görməsə də, ABŞ prezidenti bu addımı atıb.
Tərəflərin danışığı zamanı Tramp rusiyalı həmkarını prezident seçilməsi münasibətilə təbrik edib. Sonra isə Rusiyanın yeni nüvə silahı ilə bağlı narahatçılığını ifadə edib.
Bir müddət əvvəl Putin çıxışında Rusiyanın yeni, qitələrarası, qanadlı raket üzərində işlədiyini bildirmişdi. Bununla da Putin Amerika müdafiəsini məhv etməyin mümkün olduğunu qeyd etmişdi. Tramp isə məsələ ilə bağlı narahatçılığını qeyd edib.
Tramp Putinlə telefon danışığında həm də terrora qarşı mübarizə və Koreya yarımadasındakı vəziyyətlə bağlı məsələləri müzakirə edib.
Hikmət Həsənov
Ölkə.Az
