Tramp Putinlə əlaqəsindən — DANIŞDI

Tramp Putinlə əlaqəsindən
23:30
16.10.2017
971
Dünya
A
ABŞ prezidenti Donald Tramp Rusiyanın seçkilərə müdaxiləsi ilə bağlı məsələyə münasibət bildirib.

“Ölkə.Az” xəbər verir ki, Tramp Ağ Evdə jurnalistlərin suallarını cavablandırarkən bunun cəfəngiyyat olduğunu deyib. O, Rusiya ilə əlaqəsinə dair  ehtimalları yenidən təkzib edib.
 
“Rusiyanın 2016-cı prezident seçkilərinə müdaxiləsi ilə bağlı xüsusi araşdırmanın yekunlaşmasını istəyirəm. Fərz edək ki, bu bir zarafat idi. Rusiya ilə heç bir sövdələşmə olmayıb. Bunlar hamısı seçkilərdə məğlub olan demokratların özlərinə bəraət qazandırmaq cəhdləri idi. Artıq belə boş işlərə son verməyin vaxtıdır”, - deyə D.Tramp bildirib.

Qeyd edək ki, ABŞ Ədliyyə nazirliyi Federal Təhqiqatlar Bürosunun sabiq başçısı Robert Mülleri Rusiyanın 2016-cı prezident seçkilərinə müdaxiləsi ilə bağlı xüsusi araşdırmaçı təyin edib. Bundan əvvəl isə Rusiyanın ABŞ-dakı seçki kampaniyasına ehtimal edilən müdaxiləsi ilə bağlı araşdırmanı Federal Təhqiqatlar Bürosu aparıb.

Ziya Səccad
Ölkə.Az

ŞƏRH YAZ
0

Stiven Hokinqin şəxsi əşyaları satışa çıxarıldı

Stiven Hokinqin şəxsi əşyaları satışa çıxarıldı
11:58
Bu gün
147
Dünya
A
Stiven Hokinqin bəzi şəxsi və qiymətli əşyaları satışa çıxarılıb.

“Ölkə.Az” xəbər verir ki, Hokinqin doktorluq üzrə elmi işi və əlil arabası da satışa çıxarılan əşyaların arasındadır.

Hokinq 2018-ci ilin 14 mart tarixində dünyasını dəyişib və ona məxsus 22 əşya internet vasitəsilə satışa çıxarılıb. Onlar arasında, bəzi mükafatlar, doktorluq elmi işi, əlil arabası da var. Hərrac 31 oktyabr- 8 noyabr tarixləri arasında baş tutacaq.

Mərhum alimin 1965-ci ildə Kembric universitetində hazırladığı elmi işinə 130 min dollar qiymət qoyulub. Bu elmi işi yazmağa başlayanda Stiven ALS xəstəliyinə tutulub. Xəstəlikdən sonra Hokinq tamamilə iflic olmuşdu və danışa bilmirdi. Onun əlil arabasında isə 19 min dollar qiymət qoyulub.

Satışa çıxarılan əşyalar arasında “The Simpsons” çizgi filminin bəzi senariləri də var. Əldə edilən gəlir isə Stiven Hokinq fondunun hesabına köçürüləcək.

Hikmət Həsənov
Ölkə.Az

ŞƏRH YAZ
0

Amerikalı milyarder Corc Sorosa sui-qəsd

Amerikalı milyarder Corc Sorosa sui-qəsd
10:55
Bu gün
593
Dünya
A
Amerikalı milyarder Corc Sorosun Nyu-Yorkdakı evinin poçt qutusunda partlayıcı maddə tapılıb.

"Ölkə.Az” xəbər verir ki, Sorosun evdə olmadığı vaxt göndərilən partlayıcı maddə dolu paket mütəxəssislər tərəfindən zərərsizləşdirilib. Corc Soros Demokratlar partiyasını dəstəklədiyi üçün ifrat sağ görüşlü qrupların hədəflərindən birinə çevrilib.

Nyu-York polisi və FBİ xəfiyyələrinin axın etdiyi evdən verilən məlumata görə, Sorosun işçilərindən biri poçt qutusuna qoyulan paketi yoxlayıb. Paketin içində partlayıcı maddə olduğunu başa düşən şəxs onu meşə ərazisinə aparıb və polisə xəbər verib. Hazırda istintaqla FBİ məşğul olur.

Hikmət Həsənov
Ölkə.Az

 

ŞƏRH YAZ
0
BAĞLA