Tramp Rusiyaya qarşı qəddarlıq edir
“Ölkə.Az” xəbər verir ki, bu barədə Ağ Evdən məlumat verilib. Verilən məlumata görə, Tramp nəinki sanksiyalarda güzəştə getmək istəyir, hətta Rusiyaya qarşı əlavə olaraq qadağalar tətbiq etmək niyyətindədir.
“Biz Rusiyaya qarşı tətbiq edilən sanksiyaları heç bir halda yumşaltmayacağıq. Ola bilər ki, biz yeni sanksiyalar tətbiq edək”, - deyə Ağ Ev Administrasiyasında bildirilib.
Ağ Evdən əlavə olaraq bildirilib ki, Rusiya ABŞ-ın etibarını qazandığı halda, sanksiyaların yumşaldılması barədə danışmaq olar:
“Tramp Rusiyaya qarşı hansı siyasəti yürütməyi çox yaxşı bilir. Prezident tam aydın şəkildə izah edib ki, Rusiya ona qarşı sanksiyalardan azad olmaq üçün nə etməlidir”.
Qeyd edək ki, 2016-cı ilin oktyabrında ABŞ seçki sisteminə edilən kiber hücumda Rusiyanı günahlandırır. Bu səbəbdən ABŞ-ın 44-cü prezidenti Barak Obama Rusiyanın onlarla təsisatına, eləcə də təhlükəsizlik strukturlarına qarşı "seçkiyə müdaxilə", "amerikalı diplomatlara təzyiq" kimi ittihamlarla sanksiyalar tətbiq edib. Obama hakimiyyətinin son günlərində Rusiyaya qarşı əlavə olaraq bir neçə sanksiya tətbiq etmişdi.
ABŞ-ın 44-cü prezidenti Barak Obama hakimiyyətinin son günlərində Rusiyaya qarşı ardı-ardına 100-ə yaxın sanksiyalar tətbiq edib. Rusiya hökuməti isə ABŞ-ın 45-ci prezidenti Donald Trampın həmin sanksiyaları yüngülləşdirəcəyi, yaxud ləğv edəcəyi barədə ümid etsələr də, bu baş vermədi. Trmap Putin hakimiyyətinin bu arzusunu “ürəyində” qoydu. Bunun əksinə olaraq Tramp sanksiyaları daha da möhkəmlədəcəyini bildirib.
“Rusiya hökuməti sanksiyaların aradan götürülməsi üçün heç bir iş görməyib. Hələ də Rusiya Ukraynaya və Kırıma qarşı müdaxilələr etməkdə davam edir”, - deyə Tramp hakimiyyətindən açıqlama verilib
Ziya Səccad
Ölkə.Az
