Tramp televiziya aparıcısına vəzifə verdi
"Ölkə.Az" xəbər verir ki, bu vəzifəyə aparıcı Hizer Noyert layiq görülüb. ABŞ xarici işlər nazirliyi bununla bağlı açıqlama verib. Açıqlamada Hizerin 15 illik aparıcılıq və müxbirlik təcrübəsinin olduğu vurğulanır, onun 11 sentyabr terror hücumu, iraq müharibəsi və Sudan hadisələrində jurnalistlik təcrübəsinin olduğu qeyd edilir. Eyni zamanda Hizerin aparıcılıq etdiyi "Fox and Friends" verilişinin ABŞ-da ən çox izlənilən proqramlardan biri olduğu bildirilir.
Kolumbiya universitetinin jurnalistika fakultəsinin məzunu olan Hizer "Fox"-dan əvvəl "ABC" xəbər kanalında da işləyib.
Reks Tillerson xarici işlər naziri təyin edilsə də, mətbuat katibi vəzifəsini müvəqqəti olaraq Mark Toner icra edirdi. Tramp prezident kimi yanvar ayında fəaliyyətə başlasa da, xarici işlər nazirliyi gündəlik mətbuat toplantılarına mart ayından başlamışdı.
Hikmət
Ölkə.Az
