Tramp Tillersonu niyə postdan uzaqlaşdırdı?

Tramp Tillersonu niyə postdan uzaqlaşdırdı?
21:11
13.03.2018
2023
Dünya
A
Reks Tillerson dövlət katibi postundan KXDR və İran siyasətinə dair Prezident Donald Trampın baxışlarını bölüşmədiyinə görə uzaqlaşdırılıb.

"Ölkə.Az" xarici mətbuata istinadən xəbər verir ki, Trampın qərarına təsir göstərən əsas faktor KXDR lideri Kim Çen Inla danışıqlar məsələsində Tillersonla fikir ayrılığı olub. CNN-in məlumatına görə, Tillerson bildirib ki, belə danışıqlar yalnız hazırlıq işləri aparıldıqdan sonra mümkün ola bilər. Bundan başqa, o, prezidentin İranın nüvə proqramı üzrə sazişə yenidən baxılması cəhdlərini riskli hesab edirdi.

Xatırladaq ki, ABŞ Prezidenti Donald Tramp bu gün Reks Tillersonu dövlət katibi postundan istefaya göndərib. Onu bu postda Mərkəzi Kəşfiyyat İdarəsinin direktoru Mayk Pompeo əvəzləyəcək.

Reks Tillerson ABŞ Dövlət Departamentinə ötən ilin fevralından rəhbərlik edirdi.

Ölkə.Az

ŞƏRH YAZ
0

Pul üçün rinqə çıxan 13 yaşlı uşaq qorxunc şəkildə can verdi — VİDEO

Pul üçün rinqə çıxan 13 yaşlı uşaq qorxunc şəkildə can verdi
09:12
Bu gün
2986
Dünya
A
Taylandda məktəb xərclərini ödəmək üçün rinqə çıxan 13 yaşlı uşaq aldığı zərbədən dünyasını dəyişib.

“Ölkə.Az” xəbər verir ki, atası və anası olmayan Anuça Tasako 8 yaşından rinqlərə çıxır. Sonuncu dəfə çıxdığı rinqdə isə beynindən aldığı zərbə ölümünə səbəb olub.

Anuçanın ölümü Taylandı yasa boğub. Ölümdən sonra uşaqların Tayland boksu yarışlarında iştirakının qarşısını alan qanunun qəbul edilməsi tələb edilib. Anuça maska taxmadan rinqə çıxıb və aldığı zərbədən beyin qansızması keçirib.

Tayland boksu ölkənin əsasən kənd ərazilərində geniş yayılıb. İdman və turizm naziri Virasak Kovsurat bildirib ki, parlamentdə 12 yaşından kiçik uşaqlara bu yarışlarda iştirak etməyi qadağan edən qanun layihəsi hazırlanır.

Hikmət Həsənov
Ölkə.Az

ŞƏRH YAZ
0

Azərbaycanın Küveytdəki səfirliyi vətəndaşlara müraciət edib

Azərbaycanın Küveytdəki səfirliyi vətəndaşlara müraciət edib
22:45
14.11.2018
6880
Dünya
A
Azərbaycan Respublikasının Küveyt Dövlətindəki səfirliyi vətəndaşlara müraciət edib.

"Ölkə.Az" report-a istinadən xəbər verir ki, bu barədə məlumat diplomatik nümayəndəliyin "Facebook" səhifəsinə yerləşdirilib.

"Əziz həmvətənlər. Azərbaycan Respublikasının Küveyt Dövlətindəki səfirliyi vətəndaşları 14, 15, 16 noyabr 2018-ci il tarixlərində Küveytdə hava şəraitinin dəyişkən olması və güclü yağışların yağması səbəbi ilə ehtiyatlı olmağa çağırır və hər hansı çətinlik olduğu təqdirdə səfirlik əməkdaşları ilə əlaqə saxlamağı tövsiyə edir", - deyə müraciətdə bildirilir.

Ölkə.Az

ŞƏRH YAZ
0
BAĞLA