Trampdan İspaniyaya maraqlı təklif: “Böyük Səhrada divar tikin”

Trampdan İspaniyaya maraqlı təklif: “Böyük Səhrada divar tikin”
17:00
20.09.2018
1079
Dünya
A
ABŞ prezidenti Donald Tramp İspaniyaya Aralıq dənizindən miqrant axınının qarşısını almaq üçün maraqlı məsləhət verib.

“Ölkə.Az” xəbər verir ki, Tramp İspaniyaya Böyük Səhraya divar hörməyi təklif edib. Bu barədə məlumatı İspaniyanın XİN rəhbəri Cozep Borrell açıqlayıb. 
Tramp məsləhətinə “Səhranın uzunluğu 5 min km-dir” deyən ispan diplomatlara “Səhra sərhədi bizim Meksika sərhədimizdən böyük ola bilməz” cavabını verib.

Hikmət Həsənov
Ölkə.Az

ŞƏRH YAZ
0

Avstraliya Qüdsü rəsmən İsrailin paytaxtı kimi tanıdı

Avstraliya Qüdsü rəsmən İsrailin paytaxtı kimi tanıdı
19:17
15.12.2018
3263
Dünya
A
Avstraliyanın baş naziri Skott Morrison hökumətin Tel-Əviv əvəzinə Qüdsü İsrailin paytaxtı kimi tanımaq barədə planını təsdiqləyib.

 “Ölkə.Az” xəbər verir ki, Sidneydəki institutda çıxış edən baş nazir bildirib ki, Qüdsdə Avstraliyanın ticarət və müdafiə nümayəndəlikləri açılacaq. Amma hazırda uyğun yer axtarışları səbəbindən səfirliyin köçürülmə məsələsi təxirə salınıb.

“Avstraliya artıq Qərbi Qüdsü İsrailin paytaxtı kimi qəbul edir”, - deyə Morrison bəyan edib.

Onun sözlərinə əsasən, Qərbi Qüdsün İsrailin paytaxtı kimi qəbul edilməsi Şərqi Qüdsün Fələstinin paytaxtı kimi qəbul edilməsi imkanı deməkdir. Amma bunun üçün isə iki dövlət arasında münaqişənin sülh yolu ilə nizamlanması lazımdır.

Səfirliyin Tel-Əvivdən Qüdsə köçürülməsi Avstraliyaya 144 milyon dollara başa gələcək. Yaxın vaxtlarda Qüdsdə əlavə konsulluq binası və müdafiə, ticarət məsələləri üzrə xüsusi bürolar açılacaq.

Hikmət Həsənov
Ölkə.Az

ŞƏRH YAZ
0

Fransa yenə qarışdı — FOTOLAR

Fransa yenə qarışdı
15:59
15.12.2018
5307
Dünya
A
Dizel yanacağı qiymətlərindəki artıma görə başlayan və sonradan Fransa lideri Makron hökumətinə qarşı qəzəb və üsyana çevrilən “Sarı jiletlilər” hərəkatı davam edir.

“Ölkə.Az” xəbər verir ki, bu gün “Sarı jiletlilər”in keçirəcəyi aksiyadan əvvəl 25 nəfər saxlanılıb.

Bir müddətdir davam edən aksiyalara hökumətin çağırışları olsa da, bu gün bütün ölkədə etirazlar davam edir. Bu gün “Sarı jiletlilər”in Parisdə təşkil edəcəyi nümayişdən əvvəl isə polis 25 aksiya iştirakçısını saxlayıb. Makronun vəədlərinə qane olmayan etirazçılar Parisin məşhur “Champs-Elysees” prospekti və Opera meydanına toplaşacaqlar.

Ümumi olaraq ölkədə 89 min polis gücləndirilmiş iş rejiminə keçib. Parisi 8 min polis və 14 zirehli maşın qoruyacaq. Aksiyalar səbəbindən sözügedən ərazilərdə restoran və dükanlar bağlanıb. Bir sıra metro xətti işləməyəcək.

Hikmət Həsənov
Ölkə.Az

ŞƏRH YAZ
0
BAĞLA