Trampdan yeni açıqlama: “Bu gecə rahat yatın, nüvə təhlükəsi yoxdur”
ABŞ prezidenti Donald Tramp Şimali Koreya lideri Kim Çen İnlə görüşdən sonra ölkəsinə qayıdıb.
“Ölkə.Az” xəbər verir ki, Tramp təyyarədən enən kimi Tvitterdə açıqlama verib.
“Uzun səfərdən sonra geri qayıtdım. Amma indi hamı özünü daha təhlükəsiz hiss edə bilər. Artıq Şimali Koreyadan bir nüvə təhlükəsi yoxdur. Kimlə görüş maraqlı və pozitiv idi. Şimali Koreyanın gələcəkdə böyük potensialı var”, - deyə Tramp ilk tvitində bildirib.
Tramp ikinci tvitində isə bunları yazıb: “Mən vəzifəyə başlamadan əvvəl insanlar Şimali Koreya ilə savaşacağımızı düşünürdülər. Prezident Obama Şimali Koreyanın bizim ən böyük və təhlükəli problemimiz olduğunu söyləmişdi. Artıq deyil. Bu gecə rahat yatın”.
Hikmət Həsənov
Ölkə.Az
