Trampdan yeni açıqlama: “Türkiyəyə güzəşt etməyəcəm”
ABŞ prezidenti Donald Tramp son günlər Birləşmiş Ştatlar ilə Türkiyə arasında baş verən qalmaqala dair yeni açıqlama verib.
“Ölkə.Az” xəbər verir ki, Trampın bəyanatına əsasən, ABŞ Türkiyəyə güzəşt etməyəcək:
“Rahib Endryu Bransonun azad edilməsi məsələsi ilə bağlı ABŞ Türkiyəyə güzəştə getmək fikrində deyil”.
Tramp qeyd edib ki, rəsmi Ankaradan Bransonun azadlığa buraxılmasını gözləyir. Bununla yanaşı, Tramp Türkiyə tərəfinin hərəkətini səhv adlandırıb.
Qeyd edək ki, bir müddət əvvəl də ABŞ-ın vitse-prezidenti Mayk Pens Türkiyə rəhbərliyinə müraciət edib.
Hikmət Həsənov
Ölkə.Az
