Trampı tənqid etdi, ABŞ gözəli seçildi
"Ölkə.Az" xəbər verir ki, 23 yaşlı Kara Mand müsabiqənin qalibi olub. Şimali Dakotalı gözəl səhnədə ABŞ prezidentini tənqid edib.
Müsabiqə "Atlantic City"də keçirilib. "Miss America 2018" yarışına 51 ştatın nümayəndəsi təşrif buyurub.
Səhnəyə çıxan 23 yaşlı Kara ona ünvanlanan suallara da əla cavab verib. Trampın Paris İqlim Müqaviləsindən geri çəkilməsini səhv adlandıran Mand deyib: "Bu müqavilədən çəkildikdən sonra rəsmən müzakirə masasından qalxmış sayılırıq. Bunu hamı başa düşməlidir. Qlobal istiləşmənin olduğuna dair sübutlar var. İstər inanın, istər inanmayın. O masada olmalı idik və məncə Trampın bu həmləsi ABŞ üçün pis bir qərardır".
Şimali Dakotada yaşayan Mand ştatın ilk qadın qubernatoru olmağı da planlaşdırır.
Hikmət Həsənov
Ölkə.Az
