Trampın başlada biləcəyi 3 müharibə

Trampın başlada biləcəyi 3 müharibə
13:53
19.03.2017
81
Dünya
A
Donald Tramp və Angela Merkel arasında baş tutan görüş ictimaiyyətin diqqətini özünə cəlb edib. Bu görüşlə bağlı Almaniyanın "Die Zelt" qəzetinin analitik bölməsi geniş təhlil yazısı yazıb.

Ölkə.Az modern.az-a istinadən yazının mətnini təqdim edir.

"Keçən əsrdən başlayaraq bütün ABŞ prezidentləri müharibə aparıb. Çətin ki, Tramp bu məsələdə istisna təşkil etsin. Əskinə, prezidentliyinin əvvəllərindən başlayaraq Tramp özünü ABŞ-ı qələbələrə aparacaq rəhbər kimi təqdim etdi. 2 həftə öncə Tramp ABŞ-ın yenidən dünyanın hegemonu olacağını dedi: "Mən hələ kollecdə oxuyarkən hamı ABŞ-ın heç bir müharibədə məğlub olmadığını deyirdi. Amma artıq biz o, müharibələri udmuruq. Biz müharibələri udmalıyıq".

"Amma Trampın özü sələflərinin Yaxın Şərqdə uduzulan hərbi kampaniyalarını uyğun məqamlarda tənqid etmirdi mi? Onun yeni müharibə çağırışı nə deməkdir?" - deyə jurnalist sual verir.

"Bu həftə Tramp öz hərbi ambisiyalarını büdcə vəsaitlərinin bölüşdürülməsi zamanı ortaya qoydu. Hərbi xərclər 10% artırılmalıdır. Bu vəsait yeni tankların, aviadaşıyıcıların və nüvə bombalarının hazırlanmasına sərf olunacaq Eyni zamanda, beynəlxalq təşkilatların, diplomatların, iqlim müdafiəçilərinin və inkişaf proqramlarına nəzərdə tutulan xərclər 40% azaldılacaq" - deyə məqalədə deyilir.

Cümə günü Almaniya kansleri və ABŞ prezidenti Donald Tramp görüşdü. "İki lider transatlantik münasibətləri yoluna qoymağa çalışırdı. Xüsusən, federal hökumətin Almaniyanın hərbi xərclərini artırması Trampın NATO-nun ünvaına bir nüeçə xoş söz deməsi ilə nəticələndi. Tramp üçün döyüşləri udacaq ordudan söhbət gedir. Ən bahalı silahlar ölkənin hərbi prestijinin yüksəlməsinə xidmət edir. Güc hakimiyyət, hakimiyyət isə qələbə deməkdir. Əksər generallar həll olunmamış siyasi münaqişələrin həllini yalnız güc yolu ilə müdaxilədə görürlər".

Hərbi münaqişələrin mahiyəti də dəyişib. Əvvəllər müharibə iki ölkə arasında gedirdisə, indi xüsusi əməliyyatlar, dronlar köməyi ilə dəqiq zərbələr və s. fazalardan ibarət olub. Amma Tramp da bir məsələdə yanılır. O, kollecdə oxuduğu zaman Vyetnamda müharibə gedirdi və sonda kapitulasiya etməyən vyetnamlı partizanların yerinə ABŞ qoşunları döyüş meydanını tərk etdilər".

"Assimetrik müharibə dünya güclərinin kiçik dövlətlərə məğlub olduğu bir çox nümunələrlə zəngindir. ABŞ bu təcrübəni Əfqanıstanda, ABŞ isə 2003-cü ildə İraqda almışdı. Yeni formasiyalı müharibələr rəqibi yormağa yönəlib. Suriya müharibəsi İkinci Dünya Müharibəsi davam etdiyi qədər gedir, Əfqanıstan müharibəsi isə daha çox davam edir. Bu konfliktləri hərbi yolla həll etmək mümkün deyil".

Müəllif sonda Henri Kissincerin məşhur sözünü xatırladır.
"Partizanlar məğlub olduqları zaman qalib gəlirlər, ordular isə qalib gəlməyən zaman məğlub olurlar. Trampın qalib gəlmək sözləri 3 konfliktdə özünü göstərə bilər. Bu Şimali Koreyanın nüvə proqramı, İŞİD-lə müharibə və İrandır.

ŞƏRH YAZ
0

Cənubi və Şimali Koreya liderləri arasında qırmızı telefon xətti

Cənubi və Şimali Koreya liderləri arasında qırmızı telefon xətti
18:48
Bu gün
159
Dünya
A
Şimali və Cənubi Koreya liderləri gələn həftə görüş keçirəcəklər.

“Ölkə.Az” xəbər verir ki, Kim Çen İn və Mun görüşdən əvvəl özəl telefon xətti ilə danışacaqlar.

Seuldan verilən açıqlamaya əsasən, ikitərəfli zirvə görüşünün daha yaxşı keçirilməsi məqsədi ilə iki liderin danışa bilməsi üçün özəl telefon xəttinin qurulması barədə məlumat verilib. Diplomatiyada isə “qırmızı xətt” adlı telefon xətti səhv anlaşılmaların azaldılması üçün istifadə edilir.

Qeyd edək ki, liderlərin görüşü 27 aprel tarixində Panmunjmomun cənub tərəfindəki “Sülh Evi”ndə keçiriləcək.

Hikmət Həsənov
Ölkə.Az

ŞƏRH YAZ
0

Yaponiyada vulkan püskürdü — FOTOLAR

Yaponiyada vulkan püskürdü
18:10
Bu gün
318
Dünya
A
Yaponiyada 1768-ci ildən bu yana səssiz qalan İvo dağında vulkan fəaliyyətə başlayıb.

“Ölkə.Az” xəbər verir ki, dağ duman və kül püskürməyə başlayıb. Dağın ətrafına yaxınlaşmağa heç kəsə icazə verilmir. Rəsmilər ətraf bölgədə yaşayan insanlara lava və böyük qaya parçaları barədə xəbərdarlıq ediblər.

Artıq 300 metr hündürlüyə qalxan kül və dumanın fotoları çəkilib. Dağın hündürlüyü 1.300 metrdir.

Hazırda Yaponiyada 110 aktiv vulkan fəaliyyət göstərir.

Hikmət Həsənov
Ölkə.Az

ŞƏRH YAZ
0
BAĞLA