Trampın bu qərarı Meksika hökumətinin qəzabinə səbəb oldu
“Ölkə.Az” xəbər verir ki, qərara əsasən qeyri-qanuni miqrantlar vətəndaşı olmasalar belə Meksikaya deportasiya olunacaqlar. Bundan sonra məhz oradan miqrantlar öz vətənlərinə geri qaytarılacaqlar. Meksikanın xarici işlər naziri Luis Videqaray bu qərardan narazı olduqlarını və bununla bağlı BMT-yə müraciət edəcəklərini bildirib.
Qeyd edək ki, ABŞ-ın 45-ci prezidenti Donald Tramp yanvarın son günlərində miqrantlarla bağlı fərman imzalayıb. Fərmanda Meksikadan Amerikaya gələn qeyri-leqal miqrantların ölkəyə buraxılmaması nəzərdə tutulub. Bundan başqa, Donald Tramp yanvarın 25-də Meksika ilə sərhəddə divarın ucaldılmasına dair fərman imzalayıb. ABŞ-la Meksika sərhəddində divarın tikintisi 12-15 mlrd. dollara başa gələcək. Tramp istəyir ki, tikinti zamanı çəkilən xərclər Meksika dövlətinin büdcəsi hesabına ödənilsin. Meksika prezidenti Enrike Penya Nyeto isə bildirib ki, divaırn tikintisinə çəkilən xərclərə Meksika dövləti pul ayırmayacaq.
Tramp isə həmin vəsaiti çıxartmaq üçün Meksikadan ABŞ-a gələn mallara 20 faiz əlavə vergi qoyacaq. Bu qərar həm də Amerika vətəndaşlarını da narahat edib. Çünki Meksikadan Amerika mal gətirən həmin insanlara da problem yaranacaq.
Məhz bu fərmandan sonra Trampa qarşı bir çox ölkələr, rəhbərlər və siyasətçilər tənqidi mövqe tutublar. Trampın bu qərarından sonra tarix boyu qarşılıqlı əməkdaşlıq münasibətlrəində olan Meksika ilə ABŞ arasında soyuqluq yaranıb.
Ziya Səccad
Ölkə.Az
