Trampın impiçmenti tələb olunur

Trampın impiçmenti tələb olunur
23:33
12.01.2018
1546
Dünya
A
ABŞ Konqresinin Nümayəndələr Palatasının üzvü El Qrin prezident Donald Trampın istefaya göndərilməsi ilə bağlı məsələni səsverməyə çıxaracağına söz verib.

“Ölkə.Az” xəbər verir ki, bu barədə El Qrin “Twitter” hesabında yazıb. Onun sözlərinə görə, bu dəfə konqresmen Trampı bəzi ölkələr barədə aşağılayıcı bəyanatlar səsləndirdiyi üçün impiçment etmək niyyətindədir.

“Konqresin rasist ritorikasını tənqid etməsi kifayət deyil. Gələn həftə mən yenidən prezident Trampın impiçmenti ilə əlaqədar qətnamə irəli sürəcəm. Söz verirəm bu qətnamənin lehinə səs verəcəyəm”, - deyə E.Qrin də yazıb.

Qeyd edək ki, ötən ilin dekabrında konqresmen analoji qətnaməni səsverməyə çıxarıb. Sənədin lehinə 58 deputat səs verib. Bu isə sənədin qəbul edilməsi üçün kifayət etməyib.

E.Qrinin qənaətinə görə, D. Trampın ritorıkası ölkədə ultrasağ qüvvələrin güclənməsinə yol açır və bu Amerika cəmiyyətinə zərər vurur.

Ölkə.Az

ŞƏRH YAZ
0

Moskvada yol qəzasında yaralanan azərbaycanlıların vəziyyəti qənaətbəxşdir — SƏFİRLİK

Moskvada yol qəzasında yaralanan azərbaycanlıların vəziyyəti qənaətbəxşdir
22:02
Bu gün
339
Dünya
A
İyunun 16-da Moskva şəhərində taksi sürücüsünün piyada yoluna çıxaraq yeddi nəfəri vurması nəticəsində iki Azərbaycan vətəndaşı xəsarət alıb.

"Ölkə.Az"a Azərbaycanın Rusiyadakı səfirliyindən bildirilib ki, insident haqqında məlumat səfirliyə daxil olan kimi səfir Polad Bülbüloğlunun göstərişi ilə soydaşlarımızın yerləşdiyi tibb müəssisəsi ilə əlaqə saxlanılıb. Məlumata əsasən, xəsarət alanların vəziyyəti qənaətbəxş olduğundan onlar evə buraxılıblar.

Xatırladaq ki, iyunun 16-da Moskvanın mərkəzində taksinin yolun kənarında duran piyadaları vurması nəticəsində 7 nəfər yaralanıb.

Qəzanın ilkin səbəbi kimi sürücünün idarəetməni itirməsi göstərilir. Taksi sürücüsü əyləc əvəzinə qazı basdığını bildirib. Sürücü ərazi polis bölməsinə aparılıb. Hadisənin səbəbləri aydınlaşdırılır və yoxlamalar aparılır.

Yol hərəkətinin təşkili mərkəzindən verilən məlumata əsasən, sürücü nəqliyyat vasitəsini Qırğızıstana məxsus sürücülük vəsiqəsi ilə idarə edib.

Ölkə.Az

ŞƏRH YAZ
0

İsrailin eks-naziri İrana casusluğa görə həbs edildi

İsrailin eks-naziri İrana casusluğa görə həbs edildi
21:48
Bu gün
483
Dünya
A
İsrail Knessetinin sabiq deputatı, keçmiş energetika və infrastruktur naziri Qonen Seqev İran kəşfiyyatı üçün casusluq etməkdə təqsirləndirilərək həbs olunub.

"Ölkə.Az Vesti.ru-ya istinadla xəbər verir ki, bu barədə İsrailin Daxili Təhlükəsizlik Agentliyinin (Şin-Bet) məlumatında deyilir.

Qeyd edək ki, iyunun 15-də Qüds Rayon Prokurorluğunda müharibə dövründə düşmənə yardım göstərmək, İsrailə qarşı casusluq və kəşfiyyat məlumatlarının düşmənə ötürülməsi yolu ilə cinayət törətməkdə şübhəli bilinən keçmiş nazirə qarşı iddia qaldırılıb.

Şin-Bet və polisin araşdırmaları nəticəsində Q.Seqevin 2012-ci ildə Nigeriyaya səfəri zamanı İranın səfirliyində xüsusi xidmət orqanları tərəfindən "işə götürüldüyü" aşkar edilib. O, həmçinin iranlı vasitəçilərə şifrələnmiş məlumatların ötürülməsində, onlarla dünyanın müxtəlif ölkələrindəki otellərdə və mənzillərdə görüşməkdə ittiham olunur.

Qeyd edək ki, Seqevin bu ilin may ayında Ekvatorial Qvineya hüquq-mühafizə orqanları tərəfindən saxlanılıb.

Ölkə.Az

ŞƏRH YAZ
0
BAĞLA