Trampın kürəkəni FTB istintaqında ifadə verib
Bir müddətdir ki, ABŞ gündəmini məşğul edən Rusiya istintaqı davam edir.
"Ölkə.Az" xəbər verir ki, FTB-nin istintaqına ABŞ prezidentinin kürəkəni və müşaviri Cared Kaşner də daxil edilib.
Cared Rusiyanın Vaşinqtondakı səfiri Sergey Kislyak ilə keçirdiyi görüşlərə görə istintaqa cəlb edilib. Kaşner ötən ilin dekabr ayında səfir Kislyak və rus bank idarə heyətinin sədri ilə bir neçə dəfə görüşüb. Bu görüşləri incələyən FTB görüşlərlə istintaq arasında həqiqətən bir bağlantı olub-olmadığını araşdırır.
Qeyd edək ki, ABŞ-da 2016-cı ilin 8 noyabr tarixində keçirilən prezident seçkilərinə Rusiyanın kiber hücumlarla müdaxilə etdiyi iddia edilir.
Hikmət
Ölkə.Az
