Trampın Suriya ilə bağlı gizlin planlarının arxasında nələr dayanır?

ABŞ-ın Mərkəzi Kəşfiyyat Agentliyi tərəfindən bildirilib ki, Azad Suriya Ordusu üçün çəkilən hərbi xərcləri dondurur. Bunun ardınca, ABŞ Silahlı Qüvvələrinin komandiri ordu generalı Cozef Votel Suriyada İŞİD-ə qarşı mübarizə məsələsi ilə bağlı açıqlama verib. General mübarizəni sürətləndirmək üçün daha çox hərbçiyə ehtiyac duyulduğunu bildirib.

Məsələdə Trampın qərarsızlığı və Amerikanın gizlin siyasəti hələlik gəlcəkdə atılan addımların hansı istiqamətdə olacağını müəyyən etmək mümkün deyil. Politoloq Elxan Şahinoğlu Ölkə.Az-a açıqlamasında bildirib ki, Donald Trampın xarici siyasəti hələ tam müəyyənləşməyib. Onun sözlərinə görə. Bu səbəbdən də, Amerikanın siyasətinin yeniləşəcəyini demək mümkün deyil.

Tramp seçki qabağı şüarlarında deyirdi ki, beynəlxalq terrorçulara qarşı mübarizə aparacaq. Amma görürük ki, Tramp sözünə əməl etməyərək bir az ləng tərpənir. ABŞ Suriyada terrorla mübarizə aparacaqsa, Türkiyə və Rusiya ilə əməkdaşlıq etməlidir. Doğrudur indi Rusiya və Türkiyə rəsmilərilə görüşlər keçirirlər. Lakin hələlik ortada konkret nəticələr yoxdur. Hələ ki, Amerikadan ziddiyətli qərarlar görürük. Bir tərəfdən Amerika rəsmiləri deyir ki, Suriyada terrorla mübarizəni davam etdirəcək. Digər tərəfdən isə bəyanat verirlər ki, ABŞ Azad Suriya Ordusuna yardımı dayandırır. Yaxşı onlara yardım dayandırırsa, Amerika ordusu kimə kömək edəcək? Orada kürd silahlılarına yardım ediləcəksə, o zaman Türkiyə ilə müttəfiqliyə zərər gətirəcək. Bu zaman Barak Obama səhv siyasətinə qayıdacaqlar”, - deyə E.Şahinoğlu bildirib.

Politoloq deyir ki, Rakka şəhərinə hücumda Amerika da iştirak etmək istəyir. Elxan Şahinoğlunun fikrincə, bu zaman ABŞ mütləq Azad Suriya Ordusuna yardımlar etməlidir:

“Türkiyənin dəstəyilə bu istiqamətdə məhz Azad Suriya Ordusu hücuma keçir. Türkiyənin azad etdiyi ərazilərə Azad Suriya Ordusu nəzarət edir. Bu zaman Amerika Rakka şəhərinə hücum etmək fikrindədirsə və Azad Suriya Ordusuna yardım etmək istəmirsə, burada ciddi ziddiyyət yaranır. Bu istiqamətdə Amerika öz siyasətini müəyyən etməlidir”.

Ziya Səccad
Ölkə.Az