Trampın yeni təklifi

"Ölkə.Az" xəbər verir ki, Tramp təmsilçilər palatasının kəşfiyyat komitəsini sabiq dövlət katibi Hillari Klintonun Rusiya ilə əlaqələrini araşdırmağa səsləyib.

Prezidentin fikrinə görə, Demokratlar partiyasının bəzi nümayəndələri də istintaqa cəlb edilməlidirlər.

Tramp Tvitter səhifəsində yazıb: "Niyə təmsilçilər palatasının kəşfiyyat komitəsi Bill və Hillari Klintonların müqaviləsini araşdırmır? Bu müqaviləyə əsasən uranın böyük bir hissəsi Rusiyaya ötürülüb. Niyə Hillarinin Rusiya və rus şirkəti ünvanına tərifləri araşdırılmır?".

Tramp eyni zamanda qeyd edib ki, onun Rusiya ilə əlaqələri barədə bəyanatlar yalandır.

Tramp seçki kampaniyası dövründə iddia edirdi ki, dövlət katibi Hillari Klinton ABŞ uran ehtiyatının 20 faizini Rusiyaya təhvil verib.

Hikmət
Ölkə.Az