Trampla Ərdoğan görüşəndə nədən danışıb?
Türkiyə prezidenti Rəcəb Tayyib Ərdoğanla ABŞ prezidenti Donald Trampın Fransada baş tutan görüşdə nə barədə söhbət etdikləri məlum olub.
“Ölkə.Az” Türkiyə mətbuatına istinadən xəbər verir ki, Fransa prezidenti Emmanuel Makronun adından Orse muzeyində verilən şam yeməyi zamanı liderlər səudiyyəli jurnalist Camal Kaşıkçının ölümü məsələsini müzakirə ediblər.
Xatırladaq ki, oktyabrın 2-də ər-Riyadın siyasətini tənqid etməklə tanınan C.Kaşıkçı Türkiyə vətəndaşı ilə nikahını rəsmiləşdirmək üçün sənədləri almaq məqsədilə Səudiyyə Ərəbistanının İstanbuldakı Baş konsulluğuna gedəndən sonra itkin düşüb. Onun konsulluq əməkdaşları tərəfindən tikə-tikə doğranaraq öldürüldüyü bildirilir.
Ölkə.Az
