Trampla Ərdoğanın görüşəcəyi gün məlum oldu

Trampla Ərdoğanın görüşəcəyi gün məlum oldu
21:15
20.04.2017
11
Dünya
A
Türkiyə prezidenti Rəcəb Tayyib Ərdoğan və ABŞ prezidenti Donald Trampla gələn ay görüşəcək.

"Ölkə.Az" xəbər verir ki, bu barədə Ərdoğan “A News” telekanalına açıqlamasında bildirib. Onun sözlərinə görə, görüş mayın 16-17-də Vaşinqtonda keçiriləcək.

“Biz cənab Tramp ilə beynalxalq terrorla mübarizə barədə danışacağıq. Bundan əlavə, söhbət zamanı kürd problemi də müzakirə olunacaq. Danışıqlar əsasən siyasi və iqtisadi mövzuda davam edəcək”, - deyə Ərdoğan bildirib.

Qeyd edək ki, aprelin 17-də ABŞ prezidenti Donald Tramp Türkiyə prezidenti Ərdoğana zəng edib. Tramp Türkiyədə keçirilən referendumun nəticələrinə görə Ərdoğanı təbrik edib. Tramp ABŞ-ın Suriyada həyata keçirdiyi hava hücumlarına Türkiyənin göstərdiyi dəstəyə görə təşəkkür edib və "Rejimin hücumlarına artıq səssiz qala bilmərik"-deyib. Bundan başqa ABŞ prezidenti "Suriya, İraq və PKK mövzusunda əməkdaşlıq edəcəyik. Birlikdə həyata keçirəcəyimiz vacib işlər var"-deyə əlavə edib.

Bundan sonra iki liderin görüşü dəqiqləşdirilib.

Ziya Saccad
Ölkə.az

ŞƏRH YAZ
0

Liviyada terror aktı — 33 ölü

Liviyada terror aktı
09:45
Bu gün
23
Dünya
A
Liviyanın Benqazi şəhərində dalbadal terror aktı törədilib.

"Ölkə.Az" xəbər verir ki, insident nəticəsində 33 nəfər həlak olub, 70 nəfər xəsarət alıb.

Əvvəlcə 28 nəfərin öldüyü barədə xəbər yayılmışdı. Amma  xəstəxanaya yerləşdirilən yaralılardan 5 nəfər də keçindiyi üçün ölü sayı artıb. Həlak olanlar arasında polis əməkdaşları və mülki vətəndaşlar da var.

Qeyd edilir ki, xəsarət alanların çoxunun vəziyyəti ağırdır. Liviya əks-kəşfiyyatının direktoru Mahdi Falah da terror aktı nəticəsində xəsarət alıb.

Qeyd edək ki, terror aktı dünən törədilib. Benqazi şəhərində qeydiyyat idarəsi və məscid yaxınlığında avtomobilə quraşdırılmış bomba işə düşüb. Hadisə yerinə polis, təcili tibbi yardım gələndə ikinci avtomobil də partlayıb.

Hikmət Həsənov
Ölkə.Az

ŞƏRH YAZ
0

Ərdoğanla Putin Afrindən danışdı

Ərdoğanla Putin Afrindən danışdı
00:23
Bu gün
597
Dünya
A
Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.

"Ölkə.Az" xəbər verir ki, ikitərəfli əlaqələrin də müzakirə olunduğu telefon danışığında Türkiyənin Afrində həyata keçirdiyi hərbi əməliyyat, o cümlədən Suriyadakı hadisələr haqqında fikir mübadiləsi aparılıb.

Prezident Ərdoğan “Zeytun budağı” əməliyyatında məqsədin Afrin bölgəsini PYD/YPG və İŞİD kimi terror təşkilatı ünsürlərindən təmizləmək olduğunu bildirib.

Türkiyənin milli təhlükəsizliyini zəmanət altına almağı hədəfləyən bu əməliyyatın Suriyanın siyasi birliyi və ərazi bütövlüyü baxımından da əhəmiyyətli töhfə olduğunu deyən Ərdoğan Suriya məsələsində Rusiya ilə birlikdə çalışmağa önəm verdiyini vurğulayıb.

Hər iki lider Soçidə keçiriləcək Suriya Milli Dialoq Konqresinin uğuru və siyasi həllinin önünün açılması üçün birgə səyləri davam etdirməkdə qətiyyətli olduqlarını diqqətə çatdırıblar.

Ölkə.Az

ŞƏRH YAZ
0
BAĞLA