Transferlərə ən çox pul xərcləyən klublar — SİYAHI

Transferlərə ən çox pul xərcləyən klublar
21:15
12.02.2018
1531
İdman
A
Beynəlxalq İdman Araşdırmaları Mərkəzi (CİES) Avropanın "böyük beşlik" ölkələrinin (İspaniya, İngiltərə, İtaliya, Almaniya, Fransa) yüksək liqalarında mövcud heyətinə ən çox yatırım edən klubların siyahısını açıqlayıb.

"Ölkə.Az" xəbər verir ki, Apasport.az-ın qurumun rəsmi saytına istinadən məlumatına görə, bu baxımdan liderlik "Mançester Siti"yə məxsusdu.

"Şəhərlilər" ixtiyarındakı oyunçuların transferlərinə ümumilikdə 878 milyon avro ödəniş edib. "Mançester Siti" bununla futbol tarixinin ən bahalı klubuna çevrilib. Premyer Liqaya liderlik edən komanda Pep Qvardiolanın gəlişindən sonra transferlərə 500 milyondan avrodan çox xərc çəkib.

98 klubun yer aldığı siyahıda ikinci yeri 805 milyonla PSJ tutur. İlk "üçlüy"ü isə Mançester şəhərinin digər təmsilçisi "Mançester Yunayted" (747 milyon) qapayır.

98 klubdan 42-si indiki oyunçularının transferlərinə 100 milyon avrodan çox pul xərcləyib. Heyətini ən ucuz oyunçularla quran klub "Trua"dı. Fransızlar hazırkı kollektiv üçün cəmi 2 milyon avro ödəyiblər.

Transferlərə ən çox pul sayan klublar Premyer Liqa təmsilçiləridi. İngilislərin 20 komandası orta hesabla 291 milyon avroluq oyunçular alıb. Növbəti yerləri müvafiq olaraq La Liqa (131 milyon), A seriyası (124 milyon), Bundesliqa (113 milyon) və Liqa 1 (97 milyon) tuturlar.

Heyətindəki oyunçuların transferlərinə ən çox pul xərcləyən klublar:

 

1. "Mançester Siti" (İngiltərə) - 878 milyon avro

 

2. PSJ (Fransa) - 805 milyon

 

3. "Mançester Yunayted" (İngiltərə) - 747 milyon

 

4. "Barselona" (İspaniya) - 725 milyon

 

5. "Çelsi" (İngiltərə) - 592 milyon

 

6. "Real" (İspaniya) - 497 milyon

 

7. "Liverpul" (İngiltərə) - 461 milyon

 

8. "Yuventus" (İtaliya) - 448 milyon

 

9. "Arsenal" (İngiltərə) - 403 milyon

 

10. "Everton" (İngiltərə) - 365 milyon

 

11. "Bavariya" (Almaniya) - 363 milyon

 

12. "Tottenhem" (İngiltərə) - 358 milyon

 

13. "Milan" (İtaliya) - 305 milyon

 

14. "Atletiko" (İspaniya) - 298 milyon

 

15. "Monako" (Fransa) - 286 milyon

 

16. "Borussiya" (Dortmund, Almaniya) - 268 milyon

 

17. "Roma" (İtaliya) - 262 milyon

 

18. "Sauthempton" (İngiltərə) - 229 milyon

 

19. "Kristal Pelas" (İngiltərə) - 225 milyon

 

20. "İnter" (İtaliya) - 217 milyon

ŞƏRH YAZ
0

Azərbaycan idmançısı birinci oldu

Azərbaycan idmançısı birinci oldu
22:59
20.10.2018
189
İdman
A
Ağır Atletika üzrə Azərbaycan yığma komandasının üzvü Məhəmməd Məmmədli Polşanın Zamots şəhərində keçirilən yaşı 20 və 23-ə qədər olan gənclər arasında ağır atletika üzrə Avropa birinciliyində yaşı 23-ə qədər olan gənclərin 62 kq çəki dərəcəsindəki mübarizəsində tarixi uğura imza atıb.

Azərbaycan Ağır Atletika Federasiyasından "Ölkə.Az"a verilən məlumata görə, atletimiz birdən qaldırma hərəkətində 121 kq-ı ram edərək bu hərəkətdə gümüş medala sahib çıxıb.

Məhəmməd təkanla qaldırma hərəkətində 150 kq-ı qaldıraraq bu hərəkətdə qızıl medal əldə edib.

M.Məmmədli toplam 271 kq (121+150) nəticə ilə yekun sıralamada da Avropa birinciliyinin qalibi adını qazanıb.

Daha əvvəl Azərbaycanın ağır atletika üzrə millisi Avropa birinciliyində ilk medalını qazanıb.

Ölkə.Az

ŞƏRH YAZ
0

“Texniki səhv mənə mənfi təsir etdi” — Qurban Qurbanov

“Texniki səhv mənə mənfi təsir etdi”
22:14
20.10.2018
251
İdman
A
"Çox danışmağa ehtiyac yoxdur. Texniki məğlubiyyət olacaq. Futbolçular bir müddət idi bir yerdə deyildilər. Bunun da təsiri olmuşdu. "Səbail”i təbrik edirəm”.

"Ölkə.Az" "Report"a istinadən xəbər verir ki, bunu "Qarabağ”ın baş məşqçisi Qurban Qurbanov evdə "Səbail"ə 1:0 hesabı ilə qalib gəldikləri, lakin adı protokolda olmayan oyunçunu meydana buraxdıqları üçün texniki məğlubiyyətlə nəticələnəcək görüş barədə danışarkən deyib.

 - Yanlış əvəzetmə zamanı meydanda olan futbolçuların bundan xəbəri var idi?

- Xeyr.

- Bunda məsul şəxs kimdir?

- Əlbəttə, bütün məşqçilər buna baxmalıdır. Amma hakimlər də futbolçu meydana girən zaman protokola baxmalıdır. Bəlkə kənar adam gəlib oturub. Əlbəttə, ən böyük səhv özümüzdədir. Protokolu hamı yoxlamalıdır. Biz səhv etmişik. Amma yanımızda 11 futbolçu oturur. Bundan sonra köməkçilər daha diqqətli olacaqlar. İstəmərəm ki, digər klublarda da belə hal olsun. Fikrimcə, hakimlər də diqqətli olsalar, hamıya kömək etmiş olarlar. Futbolçular 90 dəqiqə əziyyət çəkirlər. Məğlubuyyətin əvəzini çıxmaq olar. Amma onların əziyyətinə heyfim gəlir. Siyahıya 23 futbolçu yazanda aləm dəyir bir-birinə. Həm legioner, həm gənc oyunçu limitinə baxmalısan. Hər kəs diqqətli olmalıdır. Bu gün texniki məğlubiyyət versinlər. Amma gələcəkdə başqa klubda belə hal olsa, ona məğlubiyyət verilməsinin tərəfdarı deyiləm.

- "Qarabağ”da ikinci dəfədir belə hal yaşanır. Görünür, birinci səhvdən dərs çıxarılmayıb?

- Keçən dəfə legioner limitini pozmuşduq. Riçard Almeydanı daha tez buraxmışdıq. Sadəcə, yerlərdə səhv etmişdik. Amma Abbas Hüseynov yerli futbolçudur. Onun adının yazılmaması taledir. Onu əvvəllər 60-65 dəqiqə oynatmağı düşünürdük. Amma zədədən yeni qayıdıb.

- "Vorskla” ilə oyunöncəsi müdafiənin mərkəzi ilə bağlı planınız nədir: Rahil Məmmədovun meydana çıxmaması nə ilə bağlıdır?

- Rəşad Sadıqovun da, Yakub Jezniçakın da oynamasına ehtiyac var idi. Neçə vaxt idi oynamırdılar. Rahil yığmanın son oyunlarında az oynamamışdı. Balansı qorumağa çalışdım. Bu gün Qara Qarayevi də sonradan meydana buraxdım. Futbolçuları düşünmək, qoruyub saxlamaq lazımdır. Həm fiziki, həm də psixoloji cəhətdən.

- "Neftçi” də uduzdu. Ancaq yenə də liderlik mövqeyində qərarlaşacaq. Qarşıdakı turda isə onlarla qarşılaşacaqsınız...

- Bu barədə heç nə demək istəmirəm. Texniki səhv mənə mənfi təsir etdi. "Vorskla” ilə matça qədər futbolçuları da hazırlamaq lazımdır. Çünki bu gün çox məyus idilər. Oyun proqramımız çox ağırdır. Ardıcıl 3 gündən bir oyunlarımız var. Ardından milli komandanın matçları gəlir. Futbolçuları həmin qarşılaşmalara düzgün hazırlamağa çalışacağıq. "Neftçi” barədə düşünmürəm. Heç oyunun gedişində də onların oyununu düşünmürdüm.

- Qoşunu döyüşə hazırlayan sərkərdə özünü bu sıx qrafikə kökləyə bilir?

- Əlbəttə çox ağırdır və çox yoruluram. Təkcə işləmək məni yormaz. Bəzən heç nədən məndə gərginlik yaranır. Texniki bir səhv, hansısa detal mənim fikrimi yayındırır. Bilsəm ki, diqqətim təkcə işdədir, yorğunluq olmur. Adicə məşqdə istədiklərimiz olanda özümüz həzz alırıq. Bəli, yorğunluq olur.

Ölkə.Az

ŞƏRH YAZ
0
BAĞLA