Transferlərə ən çox pul xərcləyən klublar — SİYAHI

Transferlərə ən çox pul xərcləyən klublar
21:15
12.02.2018
1308
İdman
A
Beynəlxalq İdman Araşdırmaları Mərkəzi (CİES) Avropanın "böyük beşlik" ölkələrinin (İspaniya, İngiltərə, İtaliya, Almaniya, Fransa) yüksək liqalarında mövcud heyətinə ən çox yatırım edən klubların siyahısını açıqlayıb.

"Ölkə.Az" xəbər verir ki, Apasport.az-ın qurumun rəsmi saytına istinadən məlumatına görə, bu baxımdan liderlik "Mançester Siti"yə məxsusdu.

"Şəhərlilər" ixtiyarındakı oyunçuların transferlərinə ümumilikdə 878 milyon avro ödəniş edib. "Mançester Siti" bununla futbol tarixinin ən bahalı klubuna çevrilib. Premyer Liqaya liderlik edən komanda Pep Qvardiolanın gəlişindən sonra transferlərə 500 milyondan avrodan çox xərc çəkib.

98 klubun yer aldığı siyahıda ikinci yeri 805 milyonla PSJ tutur. İlk "üçlüy"ü isə Mançester şəhərinin digər təmsilçisi "Mançester Yunayted" (747 milyon) qapayır.

98 klubdan 42-si indiki oyunçularının transferlərinə 100 milyon avrodan çox pul xərcləyib. Heyətini ən ucuz oyunçularla quran klub "Trua"dı. Fransızlar hazırkı kollektiv üçün cəmi 2 milyon avro ödəyiblər.

Transferlərə ən çox pul sayan klublar Premyer Liqa təmsilçiləridi. İngilislərin 20 komandası orta hesabla 291 milyon avroluq oyunçular alıb. Növbəti yerləri müvafiq olaraq La Liqa (131 milyon), A seriyası (124 milyon), Bundesliqa (113 milyon) və Liqa 1 (97 milyon) tuturlar.

Heyətindəki oyunçuların transferlərinə ən çox pul xərcləyən klublar:

 

1. "Mançester Siti" (İngiltərə) - 878 milyon avro

 

2. PSJ (Fransa) - 805 milyon

 

3. "Mançester Yunayted" (İngiltərə) - 747 milyon

 

4. "Barselona" (İspaniya) - 725 milyon

 

5. "Çelsi" (İngiltərə) - 592 milyon

 

6. "Real" (İspaniya) - 497 milyon

 

7. "Liverpul" (İngiltərə) - 461 milyon

 

8. "Yuventus" (İtaliya) - 448 milyon

 

9. "Arsenal" (İngiltərə) - 403 milyon

 

10. "Everton" (İngiltərə) - 365 milyon

 

11. "Bavariya" (Almaniya) - 363 milyon

 

12. "Tottenhem" (İngiltərə) - 358 milyon

 

13. "Milan" (İtaliya) - 305 milyon

 

14. "Atletiko" (İspaniya) - 298 milyon

 

15. "Monako" (Fransa) - 286 milyon

 

16. "Borussiya" (Dortmund, Almaniya) - 268 milyon

 

17. "Roma" (İtaliya) - 262 milyon

 

18. "Sauthempton" (İngiltərə) - 229 milyon

 

19. "Kristal Pelas" (İngiltərə) - 225 milyon

 

20. "İnter" (İtaliya) - 217 milyon

ŞƏRH YAZ
0

Ronaldunun anası etiraf etdi: “Hamilə qalanda uşaqdan qurtulmaq istəyirdim”

Ronaldunun anası etiraf etdi: “Hamilə qalanda uşaqdan qurtulmaq istəyirdim”
19:31
23.05.2018
261
İdman
A
“Real Madrid”in məşhur ulduzu Kriştianu Ronaldunun anası Mariya Dolores Aveyru maraqlı etiraflar edib.

 “Ölkə.Az” xəbər verir ki, Mariya Dolores Ronaldunun dünyaya gəlməyəcəyindən danışıb. Qadın bildirib ki, Kriştianuya hamilə olanda artıq 3 övladı olub. 

“Mən gizlətmirəm, dördüncü övladımı aldırmaq istəyirdim. Amma bunu edə bilmədim. Bu gün bunu edə bilmədiyimə görə xoşbəxtəm. Kriştianu ulduz oldu və həyatıma rəng qatdı. Bütün qadınlara məsləhətim odur ki, belə bir xoşbəxtlikdən imtina etməsinlər”.

Qeyd edək ki, bu yaxınlarda Aveyrunun “Qəhrəman ana” kitabı çapdan çıxacaq. Qadın kitabda özü və ailəsindən bəhs edir.

Hikmət Həsənov
Ölkə.Az

ŞƏRH YAZ
0

AFFA Cavid Hüseynovu cəzalandırdı

AFFA Cavid Hüseynovu cəzalandırdı
15:50
23.05.2018
234
İdman
A
Bu gün AFFA-nın İntizam Komitəsinin iclası keçirilib.

"Ölkə.Az"ın məlumatına görə, yığıncaqda Topaz Premyer Liqasının XXVIII turunda baş verənlər müzakirə olunub.

“Sumqayıt” – “Zirə” matçında 6 futbolçusu sarı vərəqə ilə cəzalanan qonaqlar 800 manat cərimələnib. Oyunun 90+3-cü dəqiqəsində “Sumqayıt” azarkeşləri tərəfindən meydançaya kənar əşyalar atıldığı üçün klub 1600 manat ziyana düşüb.

“Kəpəz”lə qarşılaşmanın 87-ci dəqiqəsində ikinci sarı vərəqə alaraq meydançadan kənarlaşdırılan “Neftçi”nin futbolçusu Kiril Petrov 1 oyunluq cəzalanıb və klubunu 200 manat xərcə salıb.

“Qəbələ” klubunun futbolçusu Cavid Hüseynovun cəzası daha ağır olub. “Qarabağ”la görüşün 45+2-ci dəqiqəsində aqressiv davranışa görə birbaşa qırmızı vərəqə alan yarımmüdafiəçi 3 oyunluq cəzalanıb. O, komandasını 2400 manat cəriməyə məruz qoyub.

ŞƏRH YAZ
0
BAĞLA