“Tural Sadıqlının əvvəlcədən xaricə getmək məqsədi olub”
Milli Məclisin deputatı, Azərbaycan Milli Elmlər Akademiyasının (AMEA) Şərqşünaslıq İnstitutunun direktoru, akademik Gövhər Baxşəliyeva son günlər sosial şəbəkələrdə onun və ayrı-ayrı şəxslər haqqında qarayaxma kampaniyaları aparan Tural Sadıqlının hərəkətlərini pisləyib.
G.Baxşəliyeva “Ölkə.Az”a açıqlamasında Tural Sadıqlının onun adını çəkməklə özünü populyar etməyə çalışdığını bildirib:
“Axı Tural Sadıqlı kimdir ki, mən onun fikirlərinə də cavab verim. Mən ona sözümü demişəm və mətbuatda da gedib. Digər tərəfdən isə o bizdə heç 3 ay işləməyib. Elə özü də ərizə yazaraq işdən getmişdi. Şərqşünaslıq İnstitutuna yeni işə düzəlmişdi ki, bir də eşitdim xaricə gedib. Deməli, onun əvvəlcədən xaricə getmək məqsədi olub. Onun səviyyəsi də çox aşağıdır. Əgər onun səviyyəsi olsaydı, gedib xaricdə Azərbaycan haqqında ağızına gələni danışmazdı”.
Zaur Əziz
Ölkə.Az
