"TuranBank"ın məcmu kapitalı azalıb

11:07
17.01.2018
817
İqtisadiyyat
A
"TuranBank"ın məcmu kapitalı, faiz və qeyri-faiz gəlirləri, aktivləri və öhdəlikləri azalıb

"Ölkə.Az" bankın statistikasına istinadən xəbər verir ki, ötən il sözügedən bankın məcmu kapitalı 2016-cı ilin müvafiq dövrü ilə müqayisədə 740 min manat və ya 1% azalaraq 68 milyon 623 min manata bərabər olub.

Bundan başqa bankın faiz gəlirləri 4 milyon 036 min manat və ya 12% azalaraq 29 milyon 479 min manat, qeyri-faiz gəlirləri isə 1 milyon 864 min manat və ya 61,9% azalaraq 4 milyon 160 min manat olub.

Sözügedən bankın aktivləri 50 milyon 906 min manat və ya 9,6% azalaraq 477 milyon 316 min manat olub. Öhdəlikləri isə 50 milyon 641 min manat və ya 10,7% azalaraq 418 milyon 346 min manata bərabər olub.

ŞƏRH YAZ
0

Aqrar sahənin maliyyə çıxışı asanlaşdırılır — Protokllar imzalandı

Aqrar sahənin maliyyə çıxışı asanlaşdırılır
11:47
Bu gün
2256
İqtisadiyyat
A
Fermer və kənd təsərrüfatı məhsulları istehsal edən sahibkarlara güzəştli kreditlərin verilməsi sahəsində şəffaflığı təmin etmək məqsədilə bir sıra bank və bank olmayan təşkilatlarla niyyət protokolları imzalanıb.

"Ölkə.Az" xəbər verir ki, protokollar Kənd Təsərrüfatı Nazirliyi yanında Kənd Təsərrüfatı Layihələri və Kreditlərin İdarə Edilməsi üzrə Dövlət Xidməti tərəfindən "Azərbaycan Beynəlxalq Bankı" ASC, "Paşa Bank" ASC, "Kapital Bank" ASC, "TuranBank" ASC, "Rabitəbank" ASC, "Aqrarkredit" QSC BOKT, "Finoko" BOKT ASC, "Finans İnvest" BOKT ilə bağlanılıb.

Protokolun imzalanmasında məqsəd aqrar sahənin maliyyə çıxışının asanlaşdırılmasıdır.

ŞƏRH YAZ
0

“Moody’s” Bakıda “İllik Azərbaycan Sammiti” keçirir

“Moody’s” Bakıda “İllik Azərbaycan Sammiti” keçirir
10:33
Bu gün
1864
İqtisadiyyat
A
Bu gün Bakıda “Moody’s” beynəlxalq reytinq agentliyi tərəfindən “İllik Azərbaycan Sammiti” keçirilir.

“Ölkə.Az” APA-ya istinadən xəbər verir ki, sammitdə MDB-nin kredit analitikləri bir araya gələrək Azərbaycanın islahatlar sahəsində irəliləyişi, fərqli kredit profillərinə söykənən əsas amilləri müzakirə edəcək.

Sammit 3 paneldən ibarət olacaq. Birinci paneldə neftin qiymətinin ucuzlaşma ehtimalının uzunmüddətli və qısamüddətli perspektivləri, ikinci paneldə Azərbaycanın bank sektorunun perspektivləri ilə bağlı  iqtisadi canlanmanın bank sektorunun bərpasına əsas olması, sonuncu paneldə isə neft sektorunun perspektivləri mövzusu müzakirə ediləcək.

Qeyd edək ki, sammitdə reytinq komitəsinin modelləşdirilməsi mövzusunda da seminar keçiriləcək.

ŞƏRH YAZ
0
BAĞLA