Türk dünyasının məşhur alimi vəfat etdi
Uyğur dilçi alimi, professor Mirsultan Osman 88 yaşında vəfat edib.
"Ölkə.Az" “Report”-a istinadən xəbər verir ki, o, dekabrın 1-də Çinin Sintszyan-Uyğur Muxtar Əyalətinin paytaxtı Urumçi şəhərində düynasını dəyişib.
M.Osman türk dilinin çığatay ləhcəsində olan qədim əlyazmaların oxunması üzrə ən məşhur mütəxəssislərdən olub.
M.Osman bütün ömrünü türk dilli xalqların tarixinin, dilinin, ədəbiyyatının, mədəniyyətinin araşdırılmasına həsr edib. Ötən müddət ərzində böyük bir nəslin bu istiqamətdə yetişməsində başlıca rol oynayıb. O, Mahmud Qaşqari, Yusuf Xas Xacib, Əhməd Yuqnaki, Xirqəti, Zaleli, Novbati, Arşi və türk dünyasının başqa fikir adamlarının təbliği, irsinin araşdrıması ilə məşğul olub.
M.Osman təkcə uyğur xalqının deyil, dünya türklərinin elm və təhsilinin inkişafına töhvə verib.
