Türk kinosuna ağır itki
Türk kinosunun məşhur simalarından sayılan aktyor Bülent Kayabaş vəfat edib.
"Ölkə.Az" xəbər verir ki, ağ ciyər çatışmazlığından əziyyət çəkən və müalicə edilən aktyor vəfat edib.
Bir müddətdir ki, ağ ciyər xərçəngi ilə mübarizə aparan aktyor Bülent Kayabaş bu gün səhər saatlarında müalicə olunduğu xəstəxanada dünyasını dəyişib. Aktyor həftənin cümə günü son mənzilə yola salınacaq. Sonuncu dəfə "Bir baba hindu" filmi ilə tamaşaçı qarşısına çıxan aktyorun 72 yaşı var idi.
Bülent Kayabaş 1945-ci ilin 25 avqust tarixində Eskişehirdə anadan olub. 1961-ci ildə anadan olduğu şəhərin bələdiyyə teatrında səhnəyə çıxıb. Müxtəlif kino və seriallarda kamera qarşısına keçib.
Aktyor iki dəfə ailə həyatı qurub.
Hikmət
Ölkə.Az
