Türk pop ulduzu vəfat etdi
Türk pop musiqisinin məşhurlarından Harun Kolçak vəfat edib.
"Ölkə.Az" xəbər verir ki, 62 yaşlı sənətçi uzun müddətdir ki, xərçəngdən əziyyət çəkirdi. Dünən axşam saatlarında onun vəziyyəti pisləşib. Harun Kolçak yerləşdirildiyi xəstəxanada dünyasını dəyişib.
Kino sənətçisi Eşref Kolçakın oğlu olan Harun Kolçak 1955-ci ildə anadan olub. Musiqiyə həvəsi və marağı olduğu üçün əvvəlcə gitara ilə məşğul olub. Sonra təhsilini yarımçıq qoyaraq peşəkar musiqi ilə məşğul olub.
2014-cü ildən sənətçi prostat xərçəngindən əziyyət çəkir. Bir dəfə əməliyyat olunub. 2016-cı ildə yenidən əməliyyata alınıb. Bu yaxınlarda isə ağrıları şiddətlənib. Həkimlər isə onu xilas edə bilməyiblər. 62 yaşlı sənətçi xərçəngə təslim olub.
Hikmət Həsənov
Ölkə.Az
