Türk qırıcıları Şimali İraqı vurdu

Türk qırıcıları Şimali İraqı vurdu
10:35
14.02.2018
1103
Dünya
A
Türk Silahlı Qüvvələri Şimali İraqa havadan zərbələr endirib.

"Ölkə.Az" xəbər verir ki, qırıcılar hücum hazırlığında olduğu müəyyən edilən terrorçulara qarşı hava əməliyyatı həyata keçirib. Nəticədə 8 hədəf məhv edilib.

Türk Silahlı Qüvvələrindən verilən açıqlamada deyilir ki, Sinath-Haftanin, Metina, Gara, Avaşin və Basyan bölgələrində kəşfiyyat və müşahidə vasitələri ilə polis idarələrinə hücum hazırlığında olan terror qruplaşmalarının üzvlərinə qarşı hava hərəkatı keçirilib. Nəticədə terrorçulara məxsus sığınacaq, depo və silah anbarı olmaqla, 8 hədəf məhv edilib.

Hikmət Həsənov
Ölkə.Az

ŞƏRH YAZ
0

Putin Bakıda cüdo yarışını izləyəcək

Putin Bakıda cüdo yarışını izləyəcək
11:55
Bu gün
113
Dünya
A
Rusiya prezidenti Vladimir Putin Azərbaycana səfər edəcək.

 “Ölkə.Az” xəbər verir ki, Putin səfər çərçivəsində Bakıda keçirilən cüdo üzrə dünya çempionatını izləyəcək.

25 sentyabr tarixində Putin Milli Gimnastika Arenasında olacaq. O, çempionatın altıncı gününə tamaşa edəcək. Tatamidə isə rusiyalı idmançı Kirill Denisov, Niyaz İlyasov və Aleksandra Babintseva mübarizə aparacaq.

Qeyd edək ki, Vladimir Putin 8-ci dan qara kəmərin sahibidir və Beynəlxalq Cüdo Federasiyasının fəxri prezidentidir.

Hikmət Həsənov
Ölkə.Az

ŞƏRH YAZ
0

ABŞ-da işləmədiyi cinayətə görə 27 il həbsdə yatan məhkum azadlığa çıxdı — FOTOLAR

ABŞ-da işləmədiyi cinayətə görə 27 il həbsdə yatan məhkum azadlığa çıxdı
09:14
Bu gün
2757
Dünya
A
ABŞ-da işləmədiyi cinayətə görə 27 il məhkumluq həyatı yaşayan Valentino Dikson azadlığa çıxıb.

“Ölkə.Az” xəbər verir ki, əsl cinayətkarın etirafından sonra məhkəmə Diksonu azadlığa buraxıb.

27 il əvvəl Diksonun iştirak etdiyi bir davada silahdan atəş açılıb. Davada iştirak etmədiyini və hadisə yerindən qaçdığını deyən Dikson orada 17 yaşlı bir gəncin öldüyünü sonradan öyrəndiyini bildirib. Amma gəncin ölümünə səbəb olan silah Diksonun adına qeydiyyatda olduğu üçün cinayəti onun törətdiyi ehtimal edilib. Hadisə şahidləri silahdan kimin atəş açdığını görməsələr də, hakim Valentinonu 39 il müddətinə azadlıqdan məhrum edib.

Hadisədən 26 il sonra hüquq universiteti tələbələrindən ibarət könüllü bir qrup yeni bir istintaqa başlayıb və yenidən şahid ifadələrinə baş vurub. Məlum olub ki, cinayət gecəsi silahdan atəş açan şəxs hazırda həbsdə olan Lamarr Skottdur.

Hikmət Həsənov
Ölkə.Az

ŞƏRH YAZ
0
BAĞLA