“Türkan Şoraya olan sevgim...” — Abel Məhərrəmov

“Türkan Şoraya olan sevgim...”
21:40
09.12.2015
2192
Ölkə
A

“Türkan Şoray dünyada tanınan sənətkardır. Hər birimiz onu qəlbən sevirik. Onun filimlərinə böyük həvəslə baxırıq. Türkan xanım türk dünyasınn sənət sultanıdır”.

Ölkə.Az xəbər verir ki, bu sözləri azvision.az-a Bakı Dövlət Universitetinin rektoru, sabiq millət vəkili Abel Məhərrəmov bildirib.

“Uzaqlarda Arama” filminin qala-gecəsinə qatılan rektor Türkan Şoraya olan sevgisindən söz açıb:

“Türkan Şoray bütün dünyada kinosevərlər tərəfindən yaxşı tanınan aktrisadır. Onun əsli-kökü Azərbaycandandır. O, bizim qəlbimizdə yaşayan sənətkardır. Bu sevgi bizim nəsil üçün tarixidir. Türkan Şorayın şəklini kitablarda gəzdirirdik, divarlara vururduq.

Türkan xanım kino aləmində özünü təsdiqləyib. O, öz sənətinin sultanıdır. Qeyd edim ki, ona olan sevgi-məhəbbətim məni bura gətirdi. Onunla ilk dəfə görüşəcəyəm”.

Qeyd edək ki, bu gün Nizami Kino Mərkəzində Türkiyənin məşhur aktrisası Türkan Şorayın rejissorluğunu etdiyi “Uzaqlarda Arama” filminin qala-gecəsi keçirilib.

Ölkə.Az

ŞƏRH YAZ
0

Azərbaycanla Pakistan arasında hərbi əməkdaşlığın inkişafı müzakirə olunub

Azərbaycanla Pakistan arasında hərbi əməkdaşlığın inkişafı müzakirə olunub
20:10
22.03.2019
14432
Ölkə
A
Pakistan İslam Respublikasında rəsmi səfərdə olan Azərbaycan Respublikasının Müdafiə naziri general-polkovnik Zakir Həsənov martın 22-də bu ölkənin Birləşmiş Qərargah rəisləri Komitəsinin sədri general Zübair Mahmud Həyat ilə görüşüb.

Müdafiə Nazirliyindən Trend-ə verilən məlumata görə, görüşdə Azərbaycan ilə Pakistan arasında təhlükəsizlik, müdafiə, hərbi, hərbi-texniki və hərbi təhsil sahələrində, eləcə də terrorizmə qarşı mübarizədə əməkdaşlığın daha da inkişaf etdirilməsi, döyüş hazırlığı, ekspert qrupları səviyyəsində qarşılıqlı səfərlərin təşkili, iki ölkə ordularının bütün qoşun növləri arasında əlaqələrin genişləndirilməsi, habelə qarşılıqlı maraq doğuran digər məsələlər müzakirə olunub.

Ölkə.Az

ŞƏRH YAZ
0

Azərbaycanda böyrək köçürülmüş 900-dən çox insan var

Azərbaycanda böyrək köçürülmüş 900-dən çox insan var
18:38
22.03.2019
4013
Ölkə
A
Hazırda Azərbaycanda böyrək köçürülmüş 900-dən çox insan var və onların dərman təminatını dövlət öz üzərinə götürüb.

Trend-in məlumatına görə, respublikanın şəhər və rayonlarında 44 hemodializ mərkəzi fəaliyyət göstərir. Həmin mərkəzlərdə 3600-dən çox xroniki böyrək çatışmazlığı olan xəstə hemodializ seansları və dərman preparatları ilə təmin edilir.

Səhiyyə Nazirliyinin məlumatına görə, bu gün Azərbaycanda dövlət hesabına hemodializlə müalicə üçün növbədə olan xəstə yoxdur. Hazırda xəstələr 71 adda dərman və tibbi ləvazimatlarla Səhiyyə Nazirliyi tərəfindən tam təmin olunurlar.
Qeyd edək ki, xroniki böyrək çatışmazlığı və ya böyrəklərin xroniki xəstəliyi müxtəlif səbəblərdən böyrəklərin funksiyasının tədricən itməsi və təkrar bərpa olunmaması ilə nəticələnən patoloji haldır.

Böyrəklərin xroniki iltihabi xəstəlikləri, sidik yollarının infeksiyaları, anadangəlmə böyrək anomaliyaları, bir sıra uroloji patologiyalar və böyrək daşı xəstəliyi, şəkərli diabet, hipertoniya xəstəliyi və s. böyrək çatışmazlığı ilə fəsadlaşa bilər.

Xəstəliyin ilk mərhələlərində dərman müalicəsi ilə böyrək çatışmazlığının sonrakı inkişafının və gözlənilən ağırlaşmaların qarşısını almaq mümkün olur. Lakin konservativ müalicə effektsiz olduğu hallarda böyrəklərin artıq itirilmiş funksiyalarını əvəz edə biləcək müalicə üsulları tətbiq olunur ki, bunlara hemodializ, periton dializi və böyrəkköçürmə aiddir.

Ölkə.Az

ŞƏRH YAZ
0
BAĞLA