Türkiyə ABŞ-la əməkdaşlıq üçün şərtlərini açıqladı — VİDEO

Türkiyə ABŞ-la əməkdaşlıq üçün şərtlərini açıqladı
00:30
23.01.2018
1749
Dünya
A
Türkiyənin baş naziri Binəli Yıldırımın rəhbərliyilə nazirlərin toplantısı keçirilib.

“Ölkə.Az” xəbər verir ki, toplantıda çıxış edən Türkiyə baş nazirinin müavini Bəkir Bozdağ Türkiyənin Suriyanın şimalındakı Afrin bölgəsində həyata keçirdiyi “Zeytun budağı” əməliyyatından danışıb. O bildirib ki, türk hərbçilər əməliyyata uğurla başlayıblar.

“Dəfələrlə Türkiyənin Suriya ilə sərhədindən terrorçuların hücumuna məruz qalmışıq. PKK, PYD, YPG və İŞİD terrorçuları məhz Suriyanın Afrin bölgəsindən Türkiyə sərhədlərini keçərək ölkəmizə hücumlar ediblər. Onların törətdikləri terrorlarda vətəndşalarımız ölüb və yaralanıblar. Suriya hökuməti hazırda Afrin bölgəsinə nəzarəti itirib. Bu səbəbdən, bölgədə məskunlaşan terrorçular həm Suriyanı, həm Türkiyəni, həm də digər bölgələri təhlükə altında saxlayır. Türkiyə həmin təhlükəni dəf etmək üçün “Zeytun budağı” əməliyyatına başlayıb”, - deyə Bəkir Bozdağ bildirib.

Nazir müavini əlavə edib ki, Türkiyənin Suriyada ABŞ-la əməkdaşlıq etməsi üçün əsas şərt Birləşmiş Ştatlar tərəfindən kürd döyüşçülərinə silah tədarükünün dayandırılmasıdır. Onun sözlərinə görə, rəsmi Ankara Vaşinqtona dəfələrlə xəbərdarlıq edib ki, kürd silahlı birləşmələrinə silah verməsin.

"Əməkdaşlıq etməyimizin əsas şərti silah tədarükünün dayandırılması və verilən silahların geri alınmasıdır. Bunu öz müttəfiqlərimizdən gözləmək ən təbii haqqımızdır", - deyə B. Bozdağ bildirib.

Ölkə.Az

ŞƏRH YAZ
0

"Fars körfəzi və Hörmüz boğazının təhlükəsizliyi həmişə bizim üçün vacib olub" — İran prezidenti

01:30
Bu gün
198
Dünya
A
Tehran Fars körfəzi və Hörmüz boğazında istənilən təxribata cavab verəcək.

"Ölkə.Az" "RİA Novosti"yə istinadən xəbər verir ki, bunu İran prezidenti Həsən Ruhani BMT Baş Assambleyasının Nyu-Yorkda keçirilən 73-cü sessiyasında çıxışı zamanı deyib.

"Fars körfəzi və Hörmüz boğazının təhlükəsizliyi həmişə bizim üçün vacib olub və İraqla müharibə zamanı onu qoruduğumuz kimi, gələcəkdə də bu həyati əhəmiyyətə malik su marşrutunda istənilən təxribata cavab verəcəyik", - deyə İran prezidenti bildirib.

Ölkə.Az

ŞƏRH YAZ
0

Gürcüstanda azərbaycanlı və erməni çağırışçılara gürcü dilini öyrədəcəklər

Gürcüstanda azərbaycanlı və erməni çağırışçılara gürcü dilini öyrədəcəklər
01:17
Bu gün
228
Dünya
A
Gürcüstan Müdafiə Nazirliyi etnik azlıq nümayəndələri olan çağırışçıların gürcü dilini öyrənməsi üçün yeni proqramın tətbiqinə başlayıb.

"Ölkə.Az" oxu.az xəbər verir ki, ilkin mərhələdə gürcü dili kursuna 132 çağırışçı cəlb olunacaq.

Onlardan 82 nəfər azərbaycanlı, 41 nəfər isə ermənidir. 

Kurs yeddi həftə davam edəcək.

Ölkə.Az

ŞƏRH YAZ
0
BAĞLA