Türkiyə əməliyyatları dayandırdı, Tramp sözünü tutdu
“Ölkə.Az” “Anadolu” agentliyinə istinadən xəbər verir ki, o, oktyabrın 17-də əldə olunan razılaşmaya əsasən sanksiyaların aradan qaldırılması üçün Maliyyə Nazirliyinə göstəriş verdiyini bildirib.
Tramp yaxın vaxtlarda Türkiyə Prezidenti Rəcəb Tayyib Ərdoğanla görüşəcəyini də söyləyib:
“Ərdoğanla çox yaxşı əlaqəmiz var. Ölkəsini çox sevən bir liderdir. Ölkəsi üçün doğru olan işi gördü”.
Xatırladaq ki, ABŞ oktyabrın 14-də Türkiyəyə qarşı sanksiya tətbiq etmişdi. Belə ki, Milli Müdafiə naziri Hulusi Akar, Enerji və Təbii Sərvətlər naziri Fatih Dönməz və Daxili İşlər naziri Süleyman Soylu ABŞ-ın “qara siyahı”sına daxil edilmişdi.
17 oktyabrda isə Türkiyə ABŞ-a terrorçuları əməliyyat bölgəsindən çıxarmaq üçün 120 saat vaxt vermişdi. Tramp da qarşılığında əməliyyatları dayandıracağı təqdirdə Türkiyəyə qarşı sanksiyaları ləğv edəcəyini bildirmişdi.
Ölkə.Az