Türkiyə futbolunda zəlzələ
Türkiyə Futbol Direktoru Fatih Terim Alaçatıdakı restoranda başına gələn hadisədən sonra tənqid atəşinə tutulmuşdu.
"Ölkə.Az" xəbər verir ki, restorandakı dava-dalaşdan sonra məşqçinin Türkiyə Futbol Federasiyası ilə münasibətləri korlanmağa başlamışdı. Fatih Terim və TFF nümayəndələri toplaşaraq qarşılıqlı razılıq əsasında yollarını ayırmaq qərarına gəliblər.
Terim təşkil etdiyi mətbuat konfransında "Galatasaray" futbol klubu ilə də işləyəcəyinə işarə etmişdi. Məşqçinin həm milli komanda, həm də futbol klubunda işləməsi federasiyada narazılığa səbəb olmuşdu.
Son günlər isə Alaçatıdakı restoranda baş verən hadisə isə vəziyyəti daha da gərginləşdirib. Bu səbəbdən Fatih Terim milli komandadan ayrılıb.
Hikmət Həsənov
Ölkə.Az
