Türkiyə ilə ABŞ arasında nə baş verir?

Türkiyə ilə ABŞ arasında nə baş verir?
20:44
08.11.2017
3982
Analitika
A
ABŞ-ın Ankaradakı səfirliyi viza böhranı ilə bağlı açıqlama verib.

“Ölkə.Az” xəbər verir ki, açıqlama sosial şəbəkədə yayımlanıb. Səfirlik viza xidmətlərinin məhdud olaraq yenidən başladığını bildirib.

Səfirlikdən deyilib: “Tələbə, səhiyyə və humanitar səbəblərdən təcili olan səfərlər başda olmaqla,  Ankara və İstanbulda miqrant olmayan bütün viza xidmətləri məhdud olaraq yenidən fəaliyyətə başlayır”.

Qeyd edək ki, ötən gün həm Türkiyə, həm də Amerika qarşılıqlı olaraq viza qərarı veriblər. Verilən qərara görə, diplomatik nümayəndəliklər üçün “məhdud sayda” vizaların verilməsi bərpa edilib.

Siyasətçilər Amerika və Türkiyə arasında yaranmış viza qalmaqalı və problemin həllində yumuşalmaları müxtəlif səbəblərlə əlaqələndirirlər. Politoloq İlqar Altay “Ölkə.Az”a açıqlamasında bildirib ki, viza qalmaqalının kökündə Trampın uğursuz siyasəti dayanır. Onun fikrincə, Amerika hökumətinin səhv qərarı ilə böyük qarşıdurma yarana bilərdi.

“ABŞ prezidenti Donald Tramp biznes adamıdır. İndiyə qədər Amerika tarixində bu səviyyədə rəhbər olmayıb. Siyasətlə əlaqəsi olmayan Trampın bir qədər radikal addımları olur. Ölkədə 1-2 il sonra baş verməli hadisəni Tramp birdən-birə həyata keçirir. Onun bu addmlarından bəziləri də təbii ki, səhv olur. Bu səhvi axıra qədər davam etdirmək də mümkün deyil. Türkiyə məsələsində də belə oldu. Türkiyəni qəfildən gətirib Suriya və digər şübhə doğuran dövlətlər sırasına salmaq olmazdı. Türkiyə vətəndaşları Avropada da yaşayırlar. Almaniyada minlərlə türk var. Onlar heç bir terror aktına qarışmayıblar. Trampın bu ölkəyə viza qadağası da məhz buraxılan səhvlər sırasındadır. Yaxşı ki, arada anlaşmalar yaranıb”, - deyə siyasətçi bildirib.

İ.Altay düşünür ki, viza problemi ümumiyyətlə aradan qaldırılar və ABŞ Türkiyə arasındakı gediş-gəliş sabit formada inkişaf edər: “Türkiyə inkişaf etmiş dövlətdir. Oranın vətəndaşları da fanatizmə qapılan xalq deyil. Türklər terror üçün qorxulu xalq deyil. Amerika bunu birmənalı şəkildə anlamalıdır”.

Ziya Səccad
Ölkə.Az

ŞƏRH YAZ
0

“Paşinyann daha pozucu və təxribatçı siyasət aparmağa çalışır”

“Paşinyann daha pozucu və təxribatçı siyasət aparmağa çalışır”
00:56
10.06.2018
5721
Analitika
A
Ermənistanın Baş naziri Nikol Paşinyanın Azərbaycanın işğal olunmuş ərazilərində yaradılmış qondarma rejimin Dağlıq Qarabağ münaqişənin nizamlanması ilə bağlı danışıqlarda tərəf kimi iştirak etməli olduğu barədə bəyanatının məqsədi danışıqları uzatmaqdan başqa bir şey deyil.

"Ölkə.Az" xəbər verir ki, bunu Trend-ə açıqlamasında "Bakı Xəbər" qəzetinin baş redaktoru Aydın Quliyev deyib.

Baş redaktor bildirib ki, N.Paşinyan yeni vəzifəsində özünü konstruktiv göstərməyə cəhd etsə də, əslində özündən əvvəlki hakimiyyətdən daha aqressiv, daha pozucu və təxribatçı siyasət aparmağa çalışır:

"Paşinyan bu gün Qarabağ probleminin həlli üçün illərdən bəri formalaşmış danışıqlar formatını dəyişməyə cəhd edir. Onun qondarma rejimin danışıqlar prosesində tərəf kimi iştirakı ilə bağlı iddiası formatı dəyişmək cəhdidir. Bilirsiniz ki, ATƏT-in Minsk qrupunun mandatına uyğun olaraq münaqişənin tərəfləri Azərbaycan və Ermənistan, münaqişənin maraqlı tərəfləri isə Dağlıq Qarabağın Azərbaycan və erməni icmalarıdır. Danışıqlar da Azərbaycan və Ermənistan arasında gedir. Bu format çərçivəsində Azərbaycan indiyə qədər Dağlıq Qarabağ münaqişəsinin əsl mahiyyəti barədə dünyada lazımi rəy yarada bilib. Bütün dünya bilir ki, Dağlıq Qarabağ Azərbaycanın torpağıdır, Ermənistan təcavüzkardır, Azərbaycanın Dağlıq Qarabağ regionu və ətraf 7 rayonu işğal altındadır. Dünya artıq qəbul edir ki, Dağlıq Qarabağ münaqişəsi Azərbaycanın ərazi bütövlüyü çərçivəsində və ilkin olaraq status-kvonun dəyişdirilməsi şərtii lə həll olunmalıdır. Bu gün Paşinyan bu fikri ortaya atmaqla formalaşmış həmin siyasi və hüquqi çərçivəni dəyişməyi hədəfləyib. Burada da məqsəd Dağlıq Qarabağ münaqişəsində danışıqlar prosesini yubatmaqdan başqa bir şey deyil. Paşinyan indi də qondarma rejimi dünyaya müstəqil subyekt kimi tanıtmağa cəhd edir. Bu da danışıqları pozan, qeyri-konstruktiv hərəkətdir və indiyə qədər əldə olunmuş nəticələri alt-üst etmək məqsədi güdür. Çox güman ki, Minsk qrupunun həmsədrləri bunu anlayacaq və Paşinyanın bu siyasətinin qarşısında lazımi maneələri qoyacaq".

Ekspert qeyd edib ki, bu gün dünya Ermənistan-Azərbaycan, Dağlıq Qarabağ münaqişəsinin əsl mahiyyətini anladığı üçün Azərbaycan yalnız substantiv danışıqlara hazırdır:

"Vaxt uzatmaq, vaxt itirmək Azərbaycana sərf etmir. Paşinyanın məqsədi bu substantiv danışıqlardan yayınmaqdır. Amma məqsədinə çata bilməyəcək".

Ölkə.Az

ŞƏRH YAZ
0

İlham Əliyev sərəncam imzaladı — Nazirə iki müavin təyin etdi

İlham Əliyev sərəncam imzaladı
15:43
02.06.2018
65351
Analitika
A
İqtisadiyyat naziri Şahin Mustafayevə iki müavin təyin edilib.

"Ölkə.Az"ın APA-ya istinadən xəbər verir ki, Azərbaycan Respublikası Prezidenti İlham Əliyevin imzaladığı sərəncamlar ilə Sahibkarlığa Kömək Milli Fondunun icraçı direktoru Şirzad Abdullayev və Azərbaycanda İxracın və İnvestisiyaların Təşviqi Fondunun (AZPROMO) prezidenti Rüfət Məmmədov nazir müavini təyin edilib. 

Qeyd edək ki, Şirzad Abdullayev  1970-ci ildə anadan olub. O, Azərbaycan Dövlət İqtisad Universitetini iqtisadçı ixtisası üzrə, Bakı Dövlət Universitetini hüquqşunas ixtisası üzrə bitirib. Almaniya Federativ Respublikasında Berlin İqtisadiyyat Məktəbi və Almaniya Tətbiqi Elmlər İnstitutunda əlavə təhsil alıb. Ş.Abdullayev uzun müddət bank sistemində işləyib, 2003-2008- ci illərdə Mərkəzi Bankın Bank nəzarətinin hüquqi təminatı şöbəsinin rəisi, 2008-ci ildən İqtisadiyyat Nazirliyinin Sahibkarlığa Kömək Milli Fondunun icraçı direktoru olub.

İqtisadi elmləri doktoru, monoqrafiyaların, dərs vəsaitlərinin müəllifi, Azərbaycan Dövlət İqtisad Universitetinin professorudur. Azərbaycan Respublikası Prezidentinin müvafiq sərəncamları ilə "Dövlət qulluğunda fərqlənməyə görə” və"Tərəqqi” medalları ilə təltif edilib. 

R. Məmmədov isə Bakı Dövlət Universitetində Beynəlxalq hüquq ixtisası üzrə bakalavr, Almaniyanın Drezden Texniki Universitetində Avropa inteqrasiyası hüququ ixtisası üzrə magistr təhsili alıb. O, 2007-2010-cu illərdə Avropa İttifaqının Azərbaycan Respublikasına Beynəlxalq Texniki Yardımı üzrə Koordinasiya Bürosunda icraçı direktor, 2010-cu ildən İqtisadiyyat Nazirliyində şöbə müdirinin müavini, 2011-ci ildən Azərbaycanda İxracın və İnvestisiyaların Təşviqi Fondunda (AZPROMO) müxtəlif vəzifələrdə çalışıb, son təyinatdan əvvəl isə AZPROMO-nun rəhbəri olub.
 

ŞƏRH YAZ
0
BAĞLA