“Türkiyə ilə bərabər Kərkükü müdafiə edin”
"Ölkə.Az" xəbər verir ki, bunu AXCP sədri Razi Nurullayev bildirib. Partiya sədri qeyd edib ki, İraq Kürdüstanı de-fakto müstəqil fəaliyyət göstərir:
“Amma de-yure addımın heç kimlə, yəni Türkiyə, İran, Suriya, ABŞ və digər maraqlı ölkələrlə razılaşdırmaması yeni münaqişə ocaqlarına rəvac verə bilər. Bu isə o anlama gəlir ki, Kərkük yenə də od-alova bürünmək təhlükəsi ilə üz-üzədir”.
AXCP sədri vurğulayıb ki, İraq Kürdüstanı müstəqilliyini elan edərsə, Kərkük vilayətinin də bu addımı atmaq hüququ tanınmalıdır: “Bu məsələdə Azərbaycanın da fəallıq göstərməsi və diplomatik danışıqlara qoşulması vacibdir. Azərbaycan və Türkiyə bu məsələdə vahid platformadan çıxış etməli, soyca Azərbaycan türkləri olan kərküklüləri müdafiə etməlidir. Biz AXCP olaraq, bu məsələni ölkəmiz üçün bir nömrəli vəzifələr sırasına qoyuruq və Azərbaycan hakimiyyətindən Kərkük məsələsində daha fəal və ciddi addımlar atmasını gözləyirik”.
Ölkə.Az
