Türkiyə ilə dövlət xidmətləri sahəsində əməkdaşlıq ediləcək

Türkiyə ilə dövlət xidmətləri sahəsində əməkdaşlıq ediləcək
19:17
24.06.2019
952
Ölkə
A
Bakıda təşkil olunan BMT-nin Dövlət Xidmətləri Forumu çərçivəsində iyunun 24-də Azərbaycan Respublikasının Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyi, Türkiyə Respublikası Nəqliyyat və İnfrastruktur Nazirliyi və Türk Əməkdaşlıq və Koordinasiya Agentliyi arasında dövlət xidmətlərinin göstərilməsi və e-hökumət sahəsində əməkdaşlıq haqqında Niyyət Protokolu imzalanıb.

"Ölkə.Az" xəbər verir ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev sənədin 3 əsas amil üzərində qurulduğunu bildirib. 

Bildirilib ki, Niyyət Protokolu çərçivəsində dövlət xidmətlərinin göstərilməsi və e-hökumət sahəsində əməkdaşlığı və təcrübə mübadiləsini təşviq etmək üçün tərəfdaş qurumlar arasında bacarıqların artırılması, o cümlədən qabaqcıl təcrübələrin paylaşılması, mütəxəssislərin mübadiləsi və birgə araşdırmaların aparılması nəzərdə tutulur. Həmçinin ekspert məsləhətləşmələri və texniki yardımın, təhsil proqramları, təlimlər, ixtisaslaşdırılmış kurslar və digər vasitələrlə insan resursları bacarıqlarının artırılması məsələləri həyata keçiriləcək. 

Tərəfdaşlar Azərbaycan Respublikası ilə Türkiyə Respublikası arasında qardaşlıq əlaqələrinin gücləndirilməsi, dövlət xidmətlərinin göstərilməsi və e-hökumət sahəsində əməkdaşlığın inkişaf etdirilməsi istiqamətində bu sənədin əhəmiyyətini vurğulayıblar. 

Ölkə.Az

ŞƏRH YAZ
0

Vüqar Muradov qəzaya düşmüş oxşarını efirə çıxarıb kömək istədi — VİDEO

Vüqar Muradov qəzaya düşmüş oxşarını efirə çıxarıb kömək istədi
12:51
Bu gün
104
Ölkə
A
Müğənni Vüqar Muradov qəzaya düşmüş eyni ad və soyadlı oxşarı üçün hər kəsdən kömək istəyib.

"Ölkə.Az" BAKU.WS-ə istinadən xəbər verir ki, sənətçi yaralı ilə birlikdə "Elgizlə izlə" proqramına gələrək çağırış edib:

"Namusuma, şərəfimə and olsun, əməliyyata tələb olunan o pul məndə də yoxdur. Məndə olsa, verməsən pis adam olaram. Böyük məbləğ deyil, aciz qalmışıq. Bir neçə dəfə sosial şəbəkədə paylaşıb kömək istəmişəm, heç kim reaksiya verməyib. Özüm də xəcalət çəkirəm. Bu adamın normal evi olsa deyərəm ki, get evini banka qoy, kredit götür. 

Həmkarlarıma səslənirəm, varınızdı verin. Nolar? Hər gün bir çay evində oturursuz, bir gün getməyin, o pulu bu qardaşa verin".  

Qeyd edək ki, yaralı Vüqar Muradov Maştağa kəndində yaşayır. Evlidir və iki azyaşlı övladı var.

Yardım etmək istəyənlər 050 20q 93 93 nömrəsi ilə əlaqə saxlaya bilər. 

Kapital bank hesab nömrəsi: 4169 7413 4518 6272

ŞƏRH YAZ
0

Xəstənin əməliyyat zamanı həkim tərəfindən döyülməsi xəbərinə — RƏSMİ REAKSİYA

Xəstənin əməliyyat zamanı həkim tərəfindən döyülməsi xəbərinə
12:37
Bu gün
259
Ölkə
A
Zərifə Əliyeva adına Milli Oftalmologiya Mərkəzində həkimin pasiyenti döyüb təhqir etməsi ilə bağlı sosial şəbəkələrdə yayılan məlumatlarla bağlı mərkəzin açıqlama yayılıb.

Bu barədə Səhiyyə Nazirliyinin mətbuat xidmətindən "Ölkə.Az"a bildirilib.

Verilən məlumata görə, həmin xəstə üç ay öncə insult keçirib.

Bu səbəbdən narkoz verilməyib və lokal keyitmə ilə əməliyyat həyata keçirilib.

Əməliyyat edən həkim Emil Hüseynov deyir ki, əməliyyat zamanı xəstə başını sabit saxlamayıb.

O da məcbur olub əməliyyat zamanı xəstənin çənəsindən tutub ki, prosesin gedişatı pozulmasın. Linza qoyan zaman xəstə başını tərpədəndə düz yerinə oturmur və bu, fəsadlar yarada bilər.

Xəstə əməliyyatdan çıxanda hər kəsdən razılıq edərək gedib. Görünür, sonradan xəstəni kimsə öyrədib.

Həkim necə xəstəni vura bilər? Hələ söyüş söymək, ümumiyyətlə, inandırıcı deyil.

Qeyd edək ki, bu həkim 2005-ci ildən bu günə qədər üç min pulsuz əməliyyat keçirib. Mərkəzin ən yaxşı həkimlərindən biridir”.

ŞƏRH YAZ
0
BAĞLA