“Türkiyə ilə Rusiyanın ticarət problemi Azərbaycan üçün də zərərlidir”

“Türkiyə ilə Rusiyanın ticarət problemi Azərbaycan üçün də zərərlidir”
20:37
21.04.2017
75
Dünya
A
Rusiya baş nazirinin müavini Arkadiy Dvorkoviç yeni açıqlama ilə çıxış edib.

"Ölkə.Az" xəbər verir ki, açıqlamaya əsasən Türkiyə Rusiyadan alınan buğdaya tətbiq edilən vergini ləğv etməsə, Türkiyəyə qarşı tətbiq edilən sanksiyaların hamısı qüvvədə qalacaq.

Rusiyalı rəsmi deyib: "Buğdaya tətbiq edilən məhdudiyyətlər ləğv edilməyənə qədər heç bir addım atmayacağıq. Buğda qadağası ləğv edilmədən bizim heç bir sanksiyanı ləğv etmə ehtimalımız yoxdur. Əgər buğda vergisi ləğv edilsə, bir neçə məsələ barədə anlaşa bilərik".

Rus mətbuatının iddiasına görə Rusiyanın Türkiyədən alınan pomidora qarşı məhdudiyyət tətbi etməsi türk rəsmilərinin buğdaya vergi tətbiq etməsi ilə nəticələnib. 

Azərbaycanlı siyasətçilərin fikrincə mövcud problem hər ik idövlətin iqtisadi mənafeyinə ciddi zərər vurur. Politoloq Zərdüşt Əlizadə Ölkə.Az-a açıqlamasında bildirib ki, Rusiya ilə Türkiyə arasında mövcud iqtisadi problemlər danışıq və qarşılıqlı güzəştlər fonunda həll edilməlidir. Onun sözlərinə görə, siyasətdən yaranan problemləri iqtisadi məsələlərə qarışdırmaq olmaz.

“Bu məsələdə mütləq birinci hansısa tərəf geri çəkilməlidir. Həmin münasibətə uyğun olaraq qarşı tərəf də irəl iaddım ataraq yaranmış boşluğu doldurmalıdır. Siyasəti iqtisadi məsələlərə qarışdırmaq olmaz. Bu iqtisadi amildir və mövcub problemdən hər iki ölkənin iqtisadiyyatı zərər görür. Ərdoğan da, Putin də əvvəlki xətdən geri getməyə hazırdılar. Bu o deməkdir ki, hər iki dövlət ortaq məxrəcə gələcək. Hansının ağlı çoxdur, o da geri çəkiləcək”, - deyə politoloq bildirib. 

Problemin yaranmasına gəlincə, Zərdüşt Əlizadə deyir ki, Türkiyədə buğda ixrac edən qüvvələrin məsələyə təsiri çox güclüdür:

“Türkiyədə buğda ixrac edən lobbi xahiş edib ki, onların mənafelərini qorumaq üçün ölkəyə daxil olan ucuz buğdaya əlavə rüsum qoysunlar. Bu da Rusiyaya əl vermir. Rusiya artıq dünyanın ən böyük buğda ixracatçısına çevrilib. Keçən il 20 milyard rubl qazanmışdı buğda ixracından. Ona görə də, onlar bazarı qorumaq üçün Türkiyə ilə danışıqlara getmək istəyirlər. Rusiya üçün Türkiyə bazarı da böyük gəlir mənbəyidir. Hər ikisi Ümumdünya Ticarət Təşkilatının üzvüdür. Qarşılıqlı şəkildə ərzaq məhsullarına əlavə rüsum tətbiq etməkdən çəkinməlidirlər”.

Z.Əlizadənin fikrincə, problemin müsbət həll olunması Azərbaycan üçün də xeyirlidir:

“Münaqişə müsbət həll olunarsa, bu Azərbaycanın da xeyrinə olar. Çünki hər iki dövlətlə Azərbaycanın sıx ticarət əlaqəsi var. Onların arasında problemlərin olması Azərbaycana da əl vermir”. 

Qeyd edək ki, pomidor da daxil olmaqla Türkiyədən 13 məhsulun Rusiyaya girişinə icazə verilmir.

Ziya Saccad
Ölkə.az

ŞƏRH YAZ
0

İngilis aparıcı söz verdi: “Kuboku qazansaq, efirə çılpaq çıxacam” — FOTOLAR

İngilis aparıcı söz verdi: “Kuboku qazansaq, efirə çılpaq çıxacam”
18:28
Bu gün
91
Dünya
A
İngiltərənin məşhur aparıcısı Raşel Riley Tvitter səhifəsində maraqlı açıqlama verib.

“Ölkə.Az” xəbər verir ki, aparıcı İngiltərənin dünya kubokunu qazanacağı təqdirdə efirə çılpaq çıxacağına söz verib.

32 yaşlı aparıcının bu açıqlamasından sonra Tvitterdəki izləyici sayı artıb. İstifadəçilər #ComeOnEngland (İrəli İngiltərə) haştaqını paylaşmağa başlayıblar.

Qeyd edək ki, İngiltərə 1966-cı ildən bu yana futbol üzrə dünya çempionu ola bilmir.

Hikmət Həsənov
Ölkə.Az

ŞƏRH YAZ
0

Avropada növbəti rəzalət — Evli cütlüklər üçün “seks oteli” açılır

Avropada növbəti rəzalət
16:47
Bu gün
693
Dünya
A
Belçikada evli cütlüklər üçün “seks oteli” açılır.

“Ölkə.Az” xəbər verir ki, otelin məqsədi cütlükləri hər növ ev işi qayğısından uzaqlaşdırmaq və onların rahat vaxt keçirmələrini təmin etməkdir.

Hökumət turizmdə yeniliklərə şans vermək məqsədi ilə layihəni maliyyələşdirir. Qərbi Flamand vilayətindəki Şore kəndində inşa edilən 10 otaqlı otel 2 həftədən sonra xidmətə başlayacaq.

“Domaine 10” adlı otelin məqsədi evli cütlüklərə “Bozun 50 çaları” filmini yaşatmaqdır.

10 otaqlı otelə gələn müştərilər giriş və çıxışda heç bir işçi ilə qarşılaşmayacaqlar. Girişdəki sensorlu ekranda qeydiyyatdan keçəcəklər.

Otaqda isə cütlükləri odun sobasının çırtıltısı qarşılayacaq. Yataqlar İrandan, çilçıraqlar İngiltərədən gətirilib. Otaqların tavanına ayna və striptiz dirəyi quraşdırılıb.

Müştərilərin sifarişi gizli şəkildə qapının ağzına qoyulur.

Bir gecəlik qiymət 130 avrodur. Hökumət otelə 20 min avro yardım edib.

Hikmət Həsənov
Ölkə.Az

ŞƏRH YAZ
0
BAĞLA