Türkiyə kanallarına ŞOK zərbə
"Ölkə.Az" xəbər verir ki, bu barədə Türkiyənin Radio-Televiziya Üst Qurumu qərar verib. Qərara görə, bu gün axşam saatlarından başlayaraq Türkiyə kanallarında yayımlanan evlilik proqramları dayandırılıb. Bu qərara əməl etməyən kanallar barədə isə ciddi tədbirlər görüləcək.
Qəbul edilən yeni qərara görə, bundan sonra Türkiyədə yayımlanan kanal və radiolarda sağlamlıq və tibbi məhsullar, dərmanların reklamı qadağan edilir. Eyni zamanda, kanallarda yayımlanan ehtiraslandırıcı, cinsi sağlamlıqla əlaqəli məhsulların reklamı da yasaqlanıb. Həmçinin dost axtarma, masaj, erotik xidmətlərin təklif edilməsi, nömrələrin reklam edilməsi kimi reklamların da yayımı dayandırılır.
Digər qadağalara görə, bundan sonra Türkiyə kanallarında loteriya oyunları, mobil nömrələrə zəng etmək kimi oyunlar keçirilməyəcək. Həmçinin mükafatlandırma kimi verilişlər də bağlanılıb.
Qeyd edək ki, qadağalar bu gün axşam saatlarından qüvvəyə minib.
Ziya Səccad
Ölkə.Az
