“Türkiyə kimi dövlətlə yaxın olmağımız Ermənistan üçün böyük zərbədir” — Politoloq rəyi

“Türkiyə kimi dövlətlə yaxın olmağımız Ermənistan üçün böyük zərbədir”
23:32
27.10.2017
2620
Analitika
A
Türkiyə prezidenti Rəcəb Tayyib Ərdoğanın Azərbaycana səfər proqramı açıqlanıb. Türkiyə Prezidenti Administrasiyasının mətbuat xidmətinin açıqladığı səfər proqramına əsasən, dövlət başçısı Bakıya oktyabrın 30-da gələcək.

Səfər çərçivəsində Azərbaycan və Türkiyə nümayəndə heyətləri arasında ikitərəfli görüş keçiriləcək. Görüşlərdə Dağlıq Qarabağ münaqişəsi başda olmaqla bölgədə və beynəlxalq aləmdə baş verən hadisələr müzakirə ediləcək. Eyni zamanda, iki ölkə arasında müxtəlif sahələri əhatə edən əməkdaşlığa dair sənədlər imzalanacaq. Bildirilib ki, R.T.Ərdoğanın Bakıya səfəri Türkiyə ilə Azərbaycan arasında diplomatik əlaqələrin qurulmasının 25-ci ildönümünə təsadüf edir.

Bundan başqa, R.T.Ərdoğan oktyabrın 30-da Bakı-Tbilisi-Qars dəmir yolu xəttinin ilk səfərinin açılış mərasiminə qatılacaq. Bu mərasimdə Azərbaycan Prezidenti İlham Əliyev, Türkiyə prezidenti Rəcəb Tayyib Ərdoğan, Qazaxıstanın dövlət başçısı Nursultan Nazarbayev və Gürcüstanın baş naziri Georgi Kvirkaşvili də iştirak edəcək. Oktyabrın 31-də isə Bakıda Azərbaycan-Türkiyə Yüksək Səviyyəli Strateji Əməkdaşlıq Şurasının 6-cı toplantısı keçiriləcək. Türkiyə prezidenti iclasda iştirak edəcək.

Azərbaycanlı siyasətçilər düşünürlər ki, bu səfər hər iki ölkə üçün böyük önəm kəsb edir. Politoloq İlqar Altay “Ölkə.Az”a açıqlamasında bildirib ki, Türkiyə prezidenti Rəcəb Tayyib Ərdoğanın Azərbaycana səfəri gözlənilən və istəniləndir. Onun fikrincə, bu Azərbaycan üçün çox yaxşı xəbərdir. 

“İki qardaş dövlətdir. Bizim dostluğumuz müstəqillik qazanandan bəri davam edir. Ərdoğan Azərbaycana mütəmadi olaraq səfərlər edib. Sadəcə son vaxtlar, əsasən də dövlət çevrilişinə cəhd hadisəsindən sonra bir az arada fasilə oldu. Ərdoğanın bu səfəri sadə ziyarət hadisəsi deyil. Hazırda konkret böyük layihələrin ortaya qoyulması nəzərdə tutulub. Azərbaycan üçün çox xoş haldır ki, konkret müqavilələr üzrə Türkiyə kimi böyük müttəfiqimiz var. Bu danışıqlar Azərbaycan gələcəyi üçün yol xəritəsidir. Bu həm siyasi, həm də iqtisadi nöqteyi-nəzərdən inkişafımıza xeyli təkan verəcək məsələdir. Azərbaycanı istəməyən qüvvələrlə üz-üzə qaldığı vaxtda həmin danışıqların önəmi böyükdür. Burada hərbi müttəfiqlik və əməkdaşlıq istiqamətində danışıqlar da mühüm rol oynaya bilər. Hesab edirəm ki, ümumilikdə Ərdoğanın səfəri həm Türkiyə üçün, həm də Azərbaycanın inkişafına mühüm rol oynayacaq”, - deyə siyasətçi bildirib.

İ.Altay deyir ki, Azərbaycanın təklənməsi fonunda hansısa güc dövlətilə əməkdaşlığı böyük məsələdir. Bu üzdən Ərdoğanın ziyarətində Dağlıq Qarabağ məsələsinin müzakirəsi bu problemin həllinə təkan verə bilər:

“Azərbaycan və Ermənistan problemin həllində üz-üzə qalsalar, problemin həlli asan olardı. Ermənistan tək mübarizədə Azərbaycandan hər sahədə geri qalıb. Biz vətən qoruyuruq, onlarsa işğalçıdırlar. İnsan resursu, iqtisadi inkişafı bizdən qat-qat geridir. Onların hazırkı üstünlüyü Rusiyanın hesabınadır. Dünya gücləri də bunu çox yaxşı bilirlər. Burada müsəlman-xrisitan məfhumu da mühüm rol oynayır. Xristian dövlətləri də hardasa Ermənistanın tərəfindədirlər. Azərbaycanın təklənməsi qarşılığında hansısa güc dövlətilə əməkdaşlığı böyük məsələdir. Türkiyə kimi dövlətlə yaxın olmağımız Ermənistan üçün böyük zərbədir. Ərdoğanın hazırkı səfəri də ermənilərdə böyük qıcıq yaradır”.

Ziya Səccad
Ölkə.Az

ŞƏRH YAZ
0

“Xalq Əli İnsanov kimi insanlara çoxdan yox deyib və onları tarixin arxivinə atıb” — Millət vəkili

“Xalq Əli İnsanov kimi insanlara  çoxdan yox deyib və onları tarixin arxivinə atıb”
14:12
23.03.2019
18856
Analitika
A
“Əli İnsanovun səsləndirdiyi fikirlər Azərbaycanda sabitliyi pozmağa doğru yönəlik, məkrli planlara xidmət edən bəyanatdır. Ancaq bu insanlar hələ də anlamaq istəmirlər ki, artıq xalq belə pafoslu bəyanatları qəbul etmir. Xalq bu şəxslərin artıq kim olduğunu və hansı məqsədlərə xidmət etdiyini yaxşı bildiyindən, onlara əhəmiyyət vermir”.

Bunu “Ölkə.Az”a açıqlamasında  deputat Cavid Osmanov deyib.

 Onun sözlərinə görə, xalq əslində Əli İnsanovun bu ahıl yaşında ölkə başçısının göstərdiyi humanist addıma görə ona təşəkkür edəcəyini gözləyirdi.
 “Ancaq Əli İnsanov xalqı bir xəyal qırıqlığına uğratdı. Xalq bir daha bu insanın cəmiyyət üçün deyil, bir daha öz şəxsi maraqlarını əsas götürərək  xalqın adından  sui-istifadə halının şahidi oldu”,- C.Osmanov qeyd edib.

Deputat əlavə edib ki,  ölkə başçısı İlham Əliyev əfv  sərəncamı imzalayaraq siyasi düşüncə və əqidəsindən asılı olmayaraq  cinayət əməlinə görə həbs edilmiş insanalır əfv etməklə Azərbaycanın dünyada   demokratik  dəyərlərə  sadiqliyini sübut etdi:

 “Ölkə başçısı  bununla yürütdüyü siyasətlə  demokratik dəyərlərə, insan və hüquq azadlıqlarına sadiqliyini, həmçinin bu siyasəti yürüdərkən insanlıq  və humanizmi meyar kimi götürdüyünü  nümayiş etdirmış oldu.  Azərbaycan müstəqil və demokratik ölkə olduğundan siyasətini də müstəqil yürüdür. Ona görə də  nə hər hansı ölkə, nə də beynəlxalq təşkilat Azərbaycana təzyiq edib, kimlərinsə azad olunmasına nail ola bilməz. Əgər beləydisə, o zaman Əli İnsanov niyə bu gün əfv olunurdu? Niyə 13 il həbsdə qalırdı? Azərbaycan belə təzyiqlərdən çəkinsəydi, o zaman  onu həbs etməzdi. Əgər bu baş verməyibsə deməli, deyilənlər Azərbaycan dövlətinə qarşı atılan iftiradır. Yəni bu insanlar öz ənənlərinə sadiq qalaraq cəmiyyəti çaşdırmaq, görülən  və atılan nəcib əməllərə kölgə salmağa çalışırlar.
Bu insanlar  atılan nəcib addımlardan, Azərbaycandakı mövcud demokratik dəyərlərdən öz məkrli planlarını həyata keçirmək üçün istifadə etməyə cəhd edirlər . Əli İnsanov da bu qəbildən olan insanlardan biridir. Lakin o, unudur ki, Azərbaycan xalqı 15 il bundan öncəki xalq deyil. Xalq belə insanlara  çoxdan yox deyib və onları tarixin arxivinə atıb”.

Deputat bildirib ki, belə bəyantlarla uzun illər ərzində hakimiyyətlə xalq arasında yaranmış birliyi poza bilməz: 

“Artıq xalq kimin kim olduğunu yaxşı bilir. Əli İnsanov kimilər isə belə bəyantlar səsləndirməklə ancaq müəyyən müddət özlərini gündəmdə saxlamağa çalışır. Əslində Əli İnsanov bu fikirləri ilə öz mahiyyəti ortaya qoymuş oldu.
İnsanov onu əfv edən şəxsə deyil, Amerikaya və Azərbaycanı  sevməyən  qüvvələrə mesaj ünvanladı ki, mən sizin  burada sabitliyi pozmaq niyyətlərini həyata keçirməyə hazıram. Xalqın isə belə insanlara layiqli cavabı olacaq və yox deyəcək. Zəhmətlər hesabına qurulan sabitliyi kimsənin pozmaq cəhdlərinə, niyyətlərinə imkan  verməyəcək. Onların bu cəhdlərini gözündə qoyacaq”. 

Ölkə.az

 

ŞƏRH YAZ
0

İslah olunmayan Əli İnsanov və ya həbsxana qarşısındakı AÇIQLAMANIN TƏHLİLİ

İslah olunmayan Əli İnsanov və ya həbsxana qarşısındakı AÇIQLAMANIN TƏHLİLİ
10:15
23.03.2019
42649
Analitika
A

Yəqin ki, sabiq səhiyyə naziri Əli İnsanovun 14 illik məhbəs həyatından sonra azadlıqda verdiyi ilk açıqlamalar xatirinizdədir. Əslində, ilk baxışdan adi görünən bu açıqlamanın hər cümləsini təhlil edəndə görürsən ki, baş nazirin müavini Əli Əhmədov demiş, İnsanov hələ tam islah olunmayıb. 

Əli İnsanov ilk müsahibəsində  deyir ki, iqtidarın konslagerlərindən birini tərk edib. Sual olunur ki, əgər Azərbaycan həbsxanaları konslager idisə, niyə bu barədə 2005-ci ilədək bir kəlmə də olsun danışmırdı? Yoldaş professor 1993-cü ildən 2005-ci ilə kimi Azərbaycanın səhiyyə naziri olub. Gerçəkdən də belə bir hal var idisə, etirazını bildirə, etirazına məhəl qoyulmadığı təqdirdə, nazir postundan istefa verə bilərdi. 


İnsanov iddia edir ki, onun əfv olunması öz təbirincə desək, demokratik qərbin və Böyük Amerikanın, Avropa Birliyinin və Avropa Şurasının səylərinin nəticəsidir. İnsanova görə Prezident İlham Əliyevin onu azad etmək fikri olmayıb. Maraqlıdır, sabiq nazir 14 il həbsxanada ola-ola Qərb dediyi qüvvələrlə necə və hansı formada əlaqələrini davam etdirib? Əgər onun dediyi qüvvələr doğrudan da bu qədər demokratikdirlərsə, insan haqlarını tanıyırlarsa, niyə hələ də bir milyon insan məcburi köçkün vəziyyətində yaşayır? Ermənistan kimi iqtisadi gücü, regional layihələrdə iştirakı olmayan dövlətə gücü çatmayan Qərb, Azərbaycana təsir edə bilirsə, məntiqlə ortaya başqa məqamlar çıxır. Məsələn, bu, o məqamlardır ki, İnsanovun demokratiya beşiyi saydığı Qərb Ermənistanı dəstəkləyir, rəsmi şəkildə Azərbaycanın ərazi bütövlüyünü tanımasına rəğmən, işğala göz yumur. Belə olan təqdirdə 12 il nazir kürsüsündə oturmuş birinin verdiyi açıqlamadan başqa qoxular gəlmirmi? Əgər İnsanovun dediyi kimi İlham Əliyevi məcbur etmək bu qədər asandırsa, Ermənistana göstəriş vermək su içmək kimi asan olmalıdır. Deməli... hər şey ortada deyilmi?


Əli İnsanov növbəti cümləsində buyurur ki, özünü azadlıqda hiss edə bilmir. Zarafat kimi çıxmasın, amma görünür sabiq naziri özünü azadlıqda hiss etməyə qoymayan əynindəki 5000 avroluq palto, yüzlərlə avro qiyməti olan papaq və şərfdir. Bu arada bir detal diqqətdən yayınmaya bilməz. Əgər 14 il məhbus həyatı yaşayan biri həbsxanadan çıxanda 7 minlik geyinib kecinə bilirsə... 

Sabiq nazir iddia edir ki, Azərbaycan özü böyük həbsxanadır. Əgər belədirsə, İnsanovun dostları niyə onun həbsxanadan çıxması üçün dəridən qabıqdan çıxırdılar? Təbii ki, bunu da deyən sabiq nazirin özüdür. Doğrudanmı Amerikanın, Avropanın işi gücü qurtarıb, İnsanovu həbsxanadan həbsxanaya köçürtməklə məşğul idilər? 

İnsanov deyir ki, onun ayağındakı qandalları Amerika və Avropadakı dostları açıb. Amma bu arada xalqa minnət qoymağı da unutmur:

"Çox istərdim ki,  Azərbaycan xalqı qolumdakı qandalları açsın". 

Görünür, İnsanov yaşlanıb və 14-15 il öncə jurnalistlərə, öz işçilərinə qarşı sərgilədiyi davranış yadından çıxıb.  Unudanlar üçün İnsanovun ANS-in xanım əməkdaşının sualına verdiyi reaksiyanı təqdim edək:: "Rədd olun burdan. Konkret rədd olun e, elə-belə yox. Ay qız, çıx get". 

İndi isə İnsanovun həbsxana həyatından sonra ilk açıqlamasından başqa bir cümləyə diqqət:

"Həbsxananın qaydaları var da. Burada "oğruların" qanunlarına hörmət etməlisən. Burada elə şeyə yol verilmir. Nə nəvələrimlə,nə də ailə yoldaşlarımla görüşməmişəm. Yanıma ancaq bir neçə nəfər kişi xeylağı gəlib gedib". 

Cəmi 15 il öncə bir qadına "rədd ol" deyən bir şəxsin indi "oğru aləmi" qanunlarından danışması başqa mətləblərdən xəbər vermirmi? Ümumiyyətlə, həmin aləmdə qadına qarşı belə rəftara münasibətin elə də yaxşı olmadığını da İnsanov bilməmiş deyil. Və ən maraqlısı budur ki, İnsanov bu cümləsiylə kimlərə hansı mesajı verir?

 İnsanovdan daha bir sitat: "Azərbaycan bu gün uçurumun dibindədir və onu uçurumdan xilas edəcək istənilən qüvvəyə dəstək verməyə hazıram".

Ölkədə problemlərin də olduğu danılmazdır və kimsə Azərbaycanda hər şeyin əla olduğunu deyirsə, bu, ən böyük riyakarlıqdır. intəhası bu fikri 12 il səhiyyəni talayan, 14 illik həbsxana həyatından sonra 7 minlik əyin-başla həbsxanadan çıxan biri deyəndə, adamı ən yaxşı halda gülmək tutur. Məsələn, vaxtilə Səhiyyə Nazirliyinin "ambulance"larının Əli İnsanov üçün hansı xidmətləri göstərdiyini xatırlasa, söhbətin nədən getdiyini bilər. Həmin maşınlarda kimlərin yoxlamadan keçirilib nazirin qəbuluna gətirildiyinini də unutmuş olmaz yolda professor.

Ölkə.Az

ŞƏRH YAZ
0
BAĞLA