Türkiyə NATO üzvü olduğu üçün “S-400”lərin alınmasında problem yarandı — Politoloq rəyi

Türkiyə NATO üzvü olduğu üçün “S-400”lərin alınmasında problem yarandı
00:08
10.10.2017
763
Analitika
A
Rəsmi Ankara Rusiyadan “S-400” raketlərini almaqdan imtina edə bilər.

“Ölkə.Az” xəbər verir ki, bu barədə Türkiyənin XİN rəhbəri Mevlud Çavuşoğlu bildirib. Türkiyəli diplomat deyib: “Biz orta və uzun vadəli müştərək istehsal barədə razılıq əldə etmişdik. Vladimir Putin deyib ki, biz müştərək istehsal üçün addımlar ata bilərik. Bu səbəbdən texnologiya aktuaal olacaq. Amma Rusiya bu məsələyə müsbət yanaşmasa, biz başqa ölkə ilə razılaşa bilərik”.

Mevlud Çavuşoğlu bildirib ki, Türkiyə bu problemi ən qısa müddətə həll etməlidir. Çünki “S-400”ə ehtiyac var: “Biz hava məkanımızı müdafiə etməliyik. Amma əgər Rusiya əleyhinə çıxış edən ölkələr Türkiyənin Rusiyadan "S-400" almasını istəmirlərsə, bizə öz variantlarını təqdim etməlidirlər”.

Azərbaycanlı siyasətçilər düşünürlər ki, problemlər Türkiyənin NATO üzvü olduğuna görə baş qaldıra bilər. Politoloq Arzu Nağıyev “Ölkə.Az”a açıqlamasında bildirib ki, hər bir dövlətin istənilən ölkə ilə xarici müqaviləsi ola bilər. Onun sözlərinə görə, istənilən silahların alınmasında bu razılaşma ola bilər.

“Türkiyə “S-400” raketlərinin alınması ilə bağlı Rusiya ilə müvafiq müqaviləsi də vardı. Hətta nəzərdə tutulan vəsaitin bir hissəsi də ödənilmişdi. Eyni zamanda, Türkiyənin ərazisində NATO standartlarına uyğun olaraq kodlaşdırılmış silahların da alınması istiqamətində müəyyən addımlar atılmalıydı. Yəni bu problemlər Türkiyənin NATO üzvü olduğuna görə baş qaldıra bilər. Məlum məsələdir ki, hava hücumundan müdafiə, eyni zamanda uzaq məsafədəki hədəfləri məhv etmək üçün belə raketlərin alınması çoxdan gedən müzakirədir. Təbii ki, NATO da bu məsələyə öz fikirini bildirmişdi. Onlar bunun əleyhinə olmuşdular”, - deyə siyasətçi bildirib.
 
Arzu Nağıyev düşünür ki, bu gözlənilən bir məsələ idi: “Avropa və NATO Rusiya ilə Türkiyə arasında bu müqavilənin bağlanmasının əleyhinə idi. Yəqin ki, bu problem iki dövlət arasında masa arxasında həll edilə bilər. Kodlaşma məsələsinə gələndə, söhbət burada təkcə “S-400” raketlərindən getmir. Bir vaxt Gürcüstana da satılmış silahlar 2008-ci ildə funksiyalarını sona qədər yerinə yetirmədi. Bu çox ehtiyatla davranılası bir məsələdir. Düşünürəm ki, Türkiyədə hər hansı bir sadə dövlət deyil ki, bunu özbaşına buraxsın. Mütəxəssislərin müvafiq qərarı olacaq. Düşünürəm ki, bu həll olunan məsələdir”.

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
342
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA