Türkiyə ordusundan Afrində daha bir uğur — Strateji yüksəklik ələ keçirildi + FOTO

Türkiyə ordusundan Afrində daha bir uğur
20:57
22.01.2018
3860
Dünya
A
Türkiyə ordusu Suriyanın şimalındaki Afrin bölgəsində “Zeytun budağı” əməliyyatını uğurla davam etdirir.

“Ölkə.Az” xəbər verir ki, bu barədə Türkiyə Silahlı qüvvələri məlumat yayıb. Bildirilib ki, ordu əməliyyat çərçivəsində Burseya strateji yüksəkliyini ələ keçirib. 10 terrorçu isə əsir götürülüb.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata ilk öncə Türkiyə Hərbi Hava Qüvvələrinin 72 ədəd “ F-16” təyyarəsi cəlb edilib. Türkiyə hərbçiləri “Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

Verilən məlumatlara görə, əməliyyatın ilk günü Türkiyə döyüşçüləri Afrinin 3.5 kilometrliyinə qədər irəliləyiblər. Hələlik terrorçular onlara güclü müqavimət göstərə bilməyiblər. Əməliyyatlar zamanı terrorçular çox sayda canlı qüvvə itiriblər.

Ziya Səccad
Ölkə.Az

ŞƏRH YAZ
0

Türkiyədən ABŞ-a sərt cavab — Gömrük rüsumları artırıldı

Türkiyədən ABŞ-a sərt cavab
11:12
Bu gün
467
Dünya
A
Türkiyə ABŞ-dan idxal edilən məhsulların gömrük rüsumunu artırıb.

“Ölkə.Az” xəbər verir ki, ABŞ-dan idxal edilən avtomobil, spirtli içki və tütünə tətbiq edilən gömrük vergisi artırılıb. Bu barədə Türkiyə prezidenti Rəcəb Tayyip Ərdoğan sərəncam imzalayıb.

Sənədə əsasən, Türkiyəyə idxal edilən avtomobillərin gömrük rüsumu 120%, spirtli içkilərin gömrük rüsumu 140%, tütünün gömrük rüsumu isə 60% artırılıb. Bundan başqa ABŞ-dan idxal edilən kosmetika, düyü və kömürün də gömrük rüsumu artırılıb.

Türkiyənin vitse-prezidenti Fuad Oktay Tvitter səhifəsində qeyd edib ki, bu addımlar ABŞ-ın Türkiyə iqtisadiyyatına hücumu ilə bağlı atılıb.

Hikmət Həsənov
Ölkə.Az

ŞƏRH YAZ
0

CNN-dən Trampa xəbərdarlıq — “Qərb Türkiyəni itirməyin bədəlini ağır ödəyəcək”

CNN-dən Trampa xəbərdarlıq
09:40
Bu gün
2452
Dünya
A
ABŞ hökumətinin Türkiyəyə qarşı iqtisadi savaşa başlamasını “CNN İnternational” şərh edib.

 “Ölkə.Az” xəbər verir ki, kanalın analizində ABŞ hökumətinə xəbərdarlıq edilib: “Qərb Türkiyəni itirməyin bədəlini ağır ödəyəcək”.

Türkiyə iqtisadiyyatını hədəf alan Trampa reaksiyalar getdikcə böyüyür. Bu sıraya CNN kanalı da qoşulub:

“Türkiyədəki qeyri-sabitliyin sərhədlərindən kənarda nəticələr yarada biləcək və ölkəni idarə edən kim olursa olsun Türkiyənin cazibə mərkəzini Qərbdən Rusiya, İran və Avrasiyaya doğru dəyişməyə çalışacaq”.

Yazıda Türkiyədə ola biləcək qeyri-sabitliyin sərhədlərdən kənarda da nəticələr yaradacağı qeyd edilib:

“Türkiyə artıq ABŞ-I etibarlı partnyor və strateji bir müttəfiq kimi görməyəcək. Türkiyədə hakimiyyətdə kim olsa da, cazibə mərkəzini Qərbdən Rusiya, İran və Avrasiyaya doğru dəyişəcək”.

Yazıya əsasən Türkiyə böhran dərinləşdikcə ciddi addımlar atacaq: “Türkiyə fövqəladə vəziyyətdə NATO-dan çəkiləcək və Avropa İttifaqı ilə gömrük müqaviləsinə son vermək kimi radikal addımlar ata bilər”.

Hikmət Həsənov
Ölkə.Az

ŞƏRH YAZ
0
BAĞLA