Türkiyə parlamenti İraqda hərbi əməliyyat keçirmə mandatı uzadıb
Türkiyə Böyük Millət Məclisi İraqda və Suriyada hərbi əməliyyatlar keçirmə mandatını bir il müddətinə uzadıb.
“Ölkə.Az” xəbər verir ki, bu barədə Türkiyə parlamentinin keçirdiyi növbədənkənar iclasda qərar qəbul edilib. İclasda iştirak edənlərin hamısı İraqın şimalında və Suriyada Türkiyə hərbiçilərinin hərbi əməliyyatlar keçirilməsini dəstəkləyiblər. Onların yekdil olaraq qəbul etdiyi qərara əsasən əməliyyatların mandatı bir il müddətinə uzadılıb.
Qeyd edək ki, Türkiyə parlamenti 2014-cü ilin oktyabr ayında bir il müddətinə xaricdə milli silahlı qüvvələrdən istifadəyə icazə verib. Bu mandat daha sonra 13 ay müddətinə uzadılıb.
Ziya Səccad
Ölkə.Az
