Türkiyə prezidenti: “Onların dolları varsa, bizim də Allahımız var”

Türkiyə prezidenti: “Onların dolları varsa, bizim də Allahımız var”
12:57
10.08.2018
5951
Dünya
A
Türkiyə prezidenti Rəcəb Tayyip Ərdoğan dünən gecə saatlarında Rizənin Güneysu rayonunda yerlilərinə səslənib.

“Ölkə.Az” xəbər verir ki, Ərdoğan çıxışında iqtisadi dalğalanmalar və dolların bahalaşması mövzusunda açıqlamalar verib:

“Onların dolları varsa, bizim də xalqımız var, haqqımız var, Allahımız var”.

Ərdoğan bölgədə sel və torpaq sürüşmələrini də xatırladıb. Türkiyə dövlətinin və millətinin güclü olduğunu qeyd edən Ərdoğan təbii fəlakət nəticəsində ziyanların dövlət tərəfindən qarşılanacağını deyib:

“Çox calışacağıq, ölkəmizi daha müasir etmək üçün əlimizdən gələni əsirgəməyəcəyik. Bunu bilin ki, bu gün dünəndən daha yaxşı, sabah bu gündən də yaxşı olacaq. Heç şübhəniz olmasın”.

Türkiyə lideri ABŞ ilə baş verən gərginlik və dolların bahalaşmasından da danışıb:

“Müxtəlif kampaniyalar aparırlar. Heç bunlara qulaq asmayın. Unutmayın ki, onların dolları varsa, bizim də xalqımız, haqqımız, Allahımız var. Biz çox işləyirik. 16 il əvvəl harada idik, indi haradayıq? Daha yaxşı olacağıq. 2023-cü ilə fərqli girəcəyik”

Hikmət Həsənov
Ölkə.Az

ŞƏRH YAZ
1

Məşhur model 8 ilini həbsdə keçirəcək — FOTOLAR

Məşhur model 8 ilini həbsdə keçirəcək
01:30
Bu gün
261
Dünya
A
Məşhur çex model Tereza Hluskova məhkəmənin hökmü ilə 8 il 8 ay müddətinə həbs edilib.

“Ölkə.Az” xəbər verir ki, Tereza 8.5 kilo narkotik maddə ilə hava limanında həbs edilmişdi. Pakistanın Lahordakı məhkəməsi 23 yaşlı model barədə həbs qərarı çıxarıb. Hluskova ilə birlikdə hakim qarşısına çıxarılan Şoaib adlı pakistanlı isə azadlığa buraxılıb.

Qərardan sonra göz yaşlarına hakim ola bilməyən model apellyasiya şikayəti verəcək.

Hluskova model kimi 3 ay Pakistanda qalıb. O, Abu-Dabiyə uçmaq üçün hava limanına gedib. Onun çantasından 8.5 kilo narkotik maddə çıxıb. Çex model narkotik maddənin ona verilən hədiyyələrin arasında olduğunu bildirmişdi.

Ölkə.Az

 

ŞƏRH YAZ
0

Dünyanın ən xoşbəxt ölkəsi hansıdır?

Dünyanın ən xoşbəxt ölkəsi hansıdır?
22:25
20.03.2019
1945
Dünya
A
Finlandiya dünyanın ən xoşbəxt ölkəsi seçilib.

"Ölkə.Az" xəbər verir ki, bu barədə "World Happiness Report 2019"un hesabatında bildirilib.

Finlandiya 7,769 bal ilə reytinqin ilk pilləsində qərarlaşıb.

İkinci və üçüncü yerlərdə isə Danimarka ilə Norveç mövqe tutub.

Azərbaycan reytinqdə 90-cı yeri tutaraq Ermənistan (116-cı yer) və Gürcüstanı (119), həmçinin İranı (117) qabaqlayıb.

Reytinq tərtib edilərkən adambaşına düşən ÜDM, insan ömrünün uzunluğu və digər amillər nəzərə alınıb. 

Ölkə.Az

ŞƏRH YAZ
1
BAĞLA