Türkiyə prezidenti \"referenduma xeyr\" çadırına baş çəkdi
Türkiyə prezidenti Ərdoğan İstanbulun Sarıyer səmtində "xeyr" stendinə sürpriz ziyarət edib.
"Ölkə.Az" xəbər verir ki, çadırdakılarla bir müddət söhbət edən Ərdoğan avtomobilinə minərək ərazidən uzaqlaşıb. "Xeyr" çadırı müxalif "CHP" partiyasının olub.
Prezident Ərdoğan Tarabyadakı Huber malikanəsindən Atatürk hava limanına gedərkən yolda korteji dayandırıb. Sarıyer Hacıosman metro stansiyasının girişində qurulan "bəli" çadırını ziyarət edən Ərdoğan sonradan dəvət edildiyi üçün yan tərəfdəki "xeyr" çadırına da baş çəkib.
Prezident qurulmuş çadırda içəridəkilərlə 15 dəqiqə söhbət edib. Söhbətdən sonra prezident korteji ərazini tərk edib.
Hikmət
Ölkə.Az
