Türkiyə qırıcıları Şimali İraqda kürd terrorçularını bombaladı

Türkiyə qırıcıları Şimali İraqda kürd terrorçularını bombaladı
23:57
19.10.2017
398
Dünya
A
Türkiyə Şimali İraqda terrorçulara qarşı əməliyyat keçirib.

“Ölkə.Az” xəbər verir ki, əməliyyat Türkiyə Hərbi Qüvvələri tərəfindən PKK terror təşkilatına qarşı keçirilib. Qırıcılar terrorçuların İraqın şimalında Zap və Avaşin regionu, eyni zamanda Türkiyənin cənub-qərbində, Hakkari vilayətində yerləşən mövqelərinə zərbələr endirib.

Türkiyə Hərbi Qüvvələrinin Baş Qərargahından verilən məlumata görə, keçirilən əməliyyat zamanı Hakkari vilayətində türk polislərinə hücum edən silahlı terorçulardan 4 nəfər öldürülüb. Əməliyyat uğurla nəticələnib.

Ziya Səccad
Ölkə.Az

ŞƏRH YAZ
0

Netanyahu yenidən Putinə zəng etdi

Netanyahu yenidən Putinə zəng etdi
21:56
24.09.2018
280
Dünya
A
İsrail baş naziri Binyamin Netanyahu ilə Rusiya prezidenti Vladimir Putin arasında telefon danışığı olub.

"Ölkә.Az" “İnterfaks”a istinadən xəbər verir ki, telefon söhbəti İsrail tərəfinin təşəbbüsü ilə baş tutub. 

Bildirilir ki, Netanyahu bir daha Putinə İl-20 təyyarəsində olan hərbçilərin ölümü ilə əlaqədar başsağlığı verib. 

Söhbət zamanı qeyd olunub ki, İsrail hərbçiləri tərəfindən Moskvaya təqdim olunan hesabat Rusiya Müdafiə Nazirliyinin məlumatları ilə düzgün gəlmir. 

Putin bildirib ki, Rusiyanın Suriya Hava-Hücumundan Müdafiə sisteminin gücləndirilməsi ilə bağlı qərarı mövcud duruma uyğundur və rusiyalı hərbçilərin təhlükəsizliyinə xidmət edir.

İsrailin Ynet nəşri isə iddia edir ki, söhbət zamanı tərəflər Rusiyanın Suriyaya S-300 kompleksinin verilməsi məsələsini müzakirə ediblər. 

Ölkә.Az

ŞƏRH YAZ
0

İranı qana bulayan terror hücumunun iştirakçıları həbs edildi

İranı qana bulayan terror hücumunun iştirakçıları həbs edildi
19:32
24.09.2018
533
Dünya
A
İranın Əhvaz şəhərində hərbi parad zamanı törədilən terror aktının iştirakçıları həbs edilib.

“Ölkə.Az” xəbər verir ki, terrorçular parad vaxtı kütləyə atəş açmışdılar və İran prezidenti Həsən Ruhani son anda xilas edilmişdi. İran kəşfiyyatının naziri Mahmud Alevi bildirib ki, silahlı hücumun bir çox iştirakçısı həbs edilib.

Həlak olanların bu gün dəfn mərasimi keçirilib və Alevi mərasimdə iştirak edib. O, jurnalistlərə açıqlamalar verib. Nazir bildirib ki, hücumu həyata keçirən 4 nəfər öldürülüb və hadisəyə görə məsuliyyət daşıyan bir çox şəxs həbs edilib. Kəşfiyyat naziri bildirib ki, terror hücumunun arxasında dayanan bütün cinayətkarlar həbs ediləcək.

Hikmət Həsənov
Ölkə.Az

ŞƏRH YAZ
0
BAĞLA