Türkiyə Rakka əməliyyatlarında iştirak etməyəcək

Türkiyə Rakka əməliyyatlarında iştirak etməyəcək
01:24
19.05.2017
47
Dünya
A
Türkiyə Silahlı Qüvvələri Suriyanın Rakka şəhərində keçirilən əməliyyatlarda iştirak etməyəcək.

“Ölkə.Az” xəbər verir ki, bu barədə Türkiyə prezidenti Rəcəb Tayyip Ərdoğan bildirib. Onun sözlərinə görə, əgər ABŞ Rakkada İŞİD terror təşkilatı ilə mübarizəni YPG kürd qruplaşması ilə birgə aparmaq istəyirsə, Türkiyə hərbçiləri həmin döyüşlərdə iştirak etməyəcək.

“Biz Vaşinqton səfəri zamanı Rakka əməliyyatları barədə müzakirələr apardıq. Müzakirələr zamanı aydın oldu ki, ABŞ Rakka əməliyyatlarına çox həssaslıqla yanaşır. Görüş zamanı da aydın şəkildə bildirdik ki, əgər Rakka əməliyyatlarında kürd silahlıları da iştirak edəcəksə, o zaman biz həmin əməliyyatlara qatılmayacağıq. Əgər ABŞ Rakka əməliyyatlarında YPG təşkilatının iştirakını daha vacib bildisə, onlara uğurlar arzulayıram”, - deyə Ərdoğan bildirib.

Qeyd edək ki, Ərdoğan ötən həftə Vaşinqtonda səfərdə olub. Səfər zamanı Ərdoğan Donald Trampla görüşüb. Görüş zamanı Suriyada, əsasən də, Rakka əməliyyatlarında YPG kürd qruplaşmasının iştirak məsələsi də müzakirə olunub. 

Ziya Səccad
Ölkə.Az

ŞƏRH YAZ
0

"ABŞ Rusiya ilə "açıq dialoq"da maraqlıdır" — Dövlət Departamenti

01:17
Bu gün
176
Dünya
A
Bu gün Vaşinqtonda ABŞ dövlət katibinin müavini Tomas Şennon və Rusiyanın ABŞ-dakı səfiri Anatoliy Antonov arasında görüş keçirilib.

"Ölkə.Az" "Ria Novosti"yə istinadla xəbər verir ki, bu barədə Dövlət Departamentinin nümayəndəsi bildirib.

Onun sözlərinə görə, söhbət zamanı tərəflər ikitərəfli əlaqələr, o cümlədən strateji sabitlik məsələlərini müzakirə ediblər.

“ABŞ dövlət katibinin müavini bildirib ki, rəsmi Vaşinqton Rusiya ilə açıq dialoqun tərəfdarıdır. Tərəflər strateji sabitliyin qorunmasının vacibliyinə dair razılığa gəliblər", deyə Dövlət Departamentinin rəsmisi qeyd edib.

Məlumata görə, danışıqlar bir saata yaxın davam edib.

Ölkə.Az

ŞƏRH YAZ
0

Ermənistanda şənbə günü etiraz aksiyaları davam edəcək — YENİLƏNİB

Ermənistanda şənbə günü etiraz aksiyaları davam edəcək
23:29
20.04.2018
909
Dünya
A
“Ermənistanın sabiq prezidenti Serj Sarkisyanın baş nazir seçilməsinə qarşı çıxan mitinq iştirakçıları şənbə günü səhər saatlarında etiraz aksiyalarını bərpa etmək niyyətindədirlər”.

"Ölkə.Az" xəbər verir ki, bu sözləri müxalifət lideri, millət vəkili Nikol Paşinyan deyibb.

"Sabah saat 11.00-da aksiyalarımıza yenidən başlayacağıq. Bu gün olduğu kimi yolları bağlayacağıq, lakin bu dəfə daha böyük miqyasda”, - deyə Respublika meydanında keçirilən mitinq zamanı Paşinyan vurğulayıb.

Onun sözlərinə görə, mitinqdən sonra Yerəvanın mərkəzi küçələrində yürüş keçiriləcək.

***

İrəvanda 100-ə yaxın etirazçı “Zvarnots” beynəlxalq hava limanına gedən yolu bağlayıb

"Ölkə.Az" xəbər verir ki, bu barədə Rusiya KİV-i məlumat yayıb. Aksiya iştirakçıları polisə məhəl qoymur, hökumət əleyhinə şüarlar səsləndirirlər.

***

Ermənistan paytaxtı Yerəvanın mərkəzindəki Respublika meydanında müxalifət mitinq keçirir.

“Ölkə.Az” Ermənistan mətbuatına istinadən xəbər verir ki, mitinqi  “Mənim addımım” təşəbbüs qrupu təşkil edib.

Qeyd edək ki, bir neşə gündür Serj Sarkisyanın baş nazir təyinatına etiraz əlaməti olaraq Yerəvanda etiraz aksiyaları keçirilir. Aksiyalar zamanı saxlanılanların sayı 183 nəfərə çatıb.

Ölkə.Az

ŞƏRH YAZ
0
BAĞLA