Türkiyə Rusiyadan yenə də "S-400" alacaq — İDDİA

Türkiyə Rusiyadan yenə də
16:07
14.02.2018
1005
Dünya
A
Rusiya Türkiyəyə "S-400" raketlərini təhvil verdikdən sonra tərəflər yenidən danışıqlar masasına oturacaq.

"Ölkə.Az" xəbər verir ki, 2020-ci ildə ikinci "S-400" hava hücumundan müdafiə sistemlərinin təslimatı üçün Rusiya və Türkiyə müqavilə imzalayacaq.

Rusiyanın "TASS" xəbər agentliyinə məlumat verən mənbə bildirib ki, 2020-ci ilin may-iyun aylarında birinci kompleks təhvil veriləcək. Bundan sonra isə Türkiyəyə 2021-ci ildə ikinci "S-400" kompleksinin verilməsi üçün yeni müqavilə imzalanacaq.

Yeni sənədə əsasən, istehsal qismən lokallaşdırılacaq və türk şirkətləri rus lizensiyasına görə kritik önəm daşımayan "S-400" hissələrini istehsal edəcəklər.

Hikmət Həsənov
Ölkə.Az

 

ŞƏRH YAZ
0

"Şişko Nuri" ləqəbli türkiyəli aktyor Sıtkı Sezgin vəfat etdi

23:17
18.08.2018
2083
Dünya
A
Türkiyənin tanınmış aktyoru Sıtkı Sezgin 69 yaşında orqan çatışmazlığından vəfat edib.

"Ölkə.Az" Türkiyə mətbuatına istinadən xəbər verir ki, mərhum aktyor sabah Samsunda dəfn ediləcək.

Qeyd edək ki, Sıtkı Sezgin 1949-cu ildə Türkiyənin Samsun şəhərində dünyaya gəlib. Türk filmlərində canlandırdığı uşaq rolları ilə tanınan aktyor, "On küçük şeytan", "Pamuk prensen ve yedi cüceler", "Sihirli cüceler", "Bağrımdaki ateş", "Hesap günü" və " Adile teyze" adlı filmlərdə rol alıb. Türkiyədəki 17 avqust zəlzələsindən sora evini itirib. Film sahəsindən uzaqlaşdıqdan sonra doğulub boya-başa çatdığı Samsuna qayıdan aktyor indiyə qədər qocalar evində yaşayırdı.

Allah rəhmət eləsin!

Ölkə.Az

ŞƏRH YAZ
0

Rusiya Prezidenti Berlinə səfər edib

Rusiya Prezidenti Berlinə səfər edib
20:58
18.08.2018
2916
Dünya
A
Rusiya Prezidenti Vladimir Putin Almaniya Kansleri Angela Merkel ilə danışıqlar aparmaq üçün Berlinə səfər edib.

"Ölkə.Az" TASS-a istinadən xəbər verir ki, Rusiya dövlət başçısının təyyarəsi avqustun 18-də “Tegel” beynəlxalq aeroportunda yerə enib. Putin buradan AFR hökumətinin iqamətgahına gedəcək.

Rusiya Prezidenti yolüstü Avstriyada dayanıb. O, Avstriyanın xarici işlər naziri xanım Karin Knaysl və maliyyəçi Volfqanq Maylingerin toyunda iştirak edib.

RF Prezidenti və AFR Kanslerinin danışıqları mətbuat üçün bəyanatlarla başlayacaq və onlar qarşıdakı görüşün əsas mövzularını açıqlayacaqlar. Sonra söhbət işçi nahar formatında mətbuat üçün qapalı davam etdiriləcək. Görüşdə Suriya nizamlanması mövzusuna, Ukraynanın şərqindəki vəziyyətə, Rusiya və AFR-in ikitərəfli əməkdaşlığına, həmçinin energetika məsələlərinə toxunulacağı gözlənilir.

Ölkə.Az

ŞƏRH YAZ
0
BAĞLA