Türkiyə Rusiyadan yenə də \"S-400\" alacaq
Rusiya Türkiyəyə "S-400" raketlərini təhvil verdikdən sonra tərəflər yenidən danışıqlar masasına oturacaq.
"Ölkə.Az" xəbər verir ki, 2020-ci ildə ikinci "S-400" hava hücumundan müdafiə sistemlərinin təslimatı üçün Rusiya və Türkiyə müqavilə imzalayacaq.
Rusiyanın "TASS" xəbər agentliyinə məlumat verən mənbə bildirib ki, 2020-ci ilin may-iyun aylarında birinci kompleks təhvil veriləcək. Bundan sonra isə Türkiyəyə 2021-ci ildə ikinci "S-400" kompleksinin verilməsi üçün yeni müqavilə imzalanacaq.
Yeni sənədə əsasən, istehsal qismən lokallaşdırılacaq və türk şirkətləri rus lizensiyasına görə kritik önəm daşımayan "S-400" hissələrini istehsal edəcəklər.
Hikmət Həsənov
Ölkə.Az
